पतसंस्था हे मंदिर आहे त्याचे पावित्र्य जपलं पाहिजे; ए.आर.कळंत्रे
संदेश कदम, आबलोली
गुहागर, ता. 14 : तुमच्या सर्वांच्या योगदानामुळे कुणबी नागरी सहकारी पतसंस्था लिमीटेड आबलोली या पतसंस्थेत २५ कोटींची उलाढाल होत आहे. कुणबी पतसंस्था हि नियमानुसार चालत असून सभासदांनी क्रियाशील राहण्यासाठी ठेवी ह्या ठेवल्याच पाहिजेत आणि कर्ज हि घेतले पाहिजे. कुणबी पतसंस्था हि सभासदांची आहे, असे स्पष्ट प्रतिपादन रत्नागिरी जिल्हा सहकारी बोर्डाचे सहकार विकास अधिकारी श्री.ए.आर.कळंत्रे यांनी केले. ते गुहागर तालुका कुणबी नागरी सहकारी पतसंस्था लिमीटेड आबलोली या पतसंस्थेच्या २२ व्या वार्षीक सर्वसाधारण सभेत बोलत होते. यावेळी पतसंस्थेचे पदाधिकारी, संचालक, महिला – पुरुष सभासदांना एकदिवसीय प्रशिक्षण शिबीराचे आयोजन करण्यात आले होते. Training Camp at Kunbi Civil Cooperative Credit Institution
या प्रशिक्षण शिबीरामध्ये मार्गदर्शन करताना श्री.ए.आर.कळंत्रे पुढे म्हणाले की, कर्ज काढताना नियम, कारण आणि तारण काय? या गोष्टींची प्रामुख्याने काळजी घेतली पाहिजे. सहकारामध्ये १/-,१/- रुपयाचा हिशोब ठेवला जातो. मी हुमणे गुरुजींच्या टिमचे कौतुक करतो कुणबी पतसंस्थेच्या कामासारखे कुठल्याच पतसंस्थेचे काम नाही. कुणबी पतसंस्थेच्या वतीने या पुढे आरोग्य शिबीर, आरोग्य प्रबोधन व्याख्याने, विद्यार्थी गुणगौरव सोहळा तसेच महिलांसाठी हळदीकुंकू समारंभ कार्यक्रमाचे आयोजन झाले पाहिजे. सभासद जगला पाहिजे घेतलेले कर्ज वेळेतच फेड करा सभासदांनी सहकार तत्त्वांचा अंगीकार केला पाहिजे संस्थेच्या हिताचे विरुद्ध कुणीही वागू नये, असा संदेश हि जिल्हा सहकार विकास अधिकारी श्री.ए.आर.कळंत्रे यांनी दिला. Training Camp at Kunbi Civil Cooperative Credit Institution
यावेळी विचारपीठावर अध्यक्षस्थानी पतसंस्थेचे अध्यक्ष श्री.रामचंद्र हुमणे गुरुजी, पतसंस्थेचे उपाध्यक्ष श्री.तुकाराम निवाते, जिल्हा सहकारी बोर्डाचे अधिकारी श्री.ए.आर.कळंत्रे, जेष्ठ संचालक श्री.पांडूरंग पाते, गणपतशेठ पाडावे, गुहागरचे माजी नगराध्यक्ष श्री.राजेश बेंडल, पतसंस्थेचे संचालक श्री.प्रदिप बेंडल, महादेव वणे, संदेश कदम, वैभव आदवडे, उदय गोरीवले, अमोल वाघे, अनंत पागडे, संदिप पाष्टे,अनिल घाणेकर, संचालिका श्रीमती.वनिता डिंगणकर, सौ.श्रावणी पागडे, माजी सभापती विलास वाघे, माजी उपसभापती सिताराम ठोंबरे, शंकर मोरे, अनिल हुमणे, संजय गोताड, माजी सरपंच तुकाराम पागडे, प्रमोद गोणबरे, विजय मसुरकर, अनिकेत पागडे, शिवराम निवाते, अनंत मोरे, सुदर्शन निकम, दिपक हुमणे, बबन हुमणे, सिताराम हळ्ये, सिताराम कावणकर, शांताराम गोरीवले, शंकर जोशी आदींसह संपर्क प्रमुख तसेच महिला – पुरुष सभासद बहूसंख्येने उपस्थितीत होते. Training Camp at Kunbi Civil Cooperative Credit Institution
