भाजप तालुकाध्यक्ष निलेश सुर्वे यांचे जि.प.बांधकाम विभागाला निवेदन
गुहागर, ता. 07 : सावर्डे – तवसाळ या राज्य मार्गावरून पडवे एसटी स्टँड येथे जाणारा पोचमार्ग हा खड्डेमय झाला असुन यामुळे इथून प्रवास करणे जिकरीचे झालेले आहे. खड्डेमय रस्त्यामुळे पडवे एसटी फे-या बंद झाली आहे. या रस्त्याची दुरुस्तीसाठी भाजप तालुकाध्यक्ष निलेश सुर्वे यांचे जि.प.बांधकाम विभागाला निवेदन दिले आहे. ST Fea closed due to potholed road
या निवेदनात म्हटले आहे की, काही दिवसांपूर्वी या मार्गावर खड्ड्यामुळे एसटीचा अपघात होता होता वाचला. त्याचबरोबर जीवितहानी आणि वित्तहानी वाचली. याचा गांभीर्याने विचार करून महाराष्ट्र राज्य परिवहन महामंडळाने पडवे गावात जाणाऱ्या एसटी फेऱ्या बंद केल्या आहेत. यामुळे गावात मोठ्या प्रमाणात वास्तव्यास असणारा आणि व्यवसाय करणारा मच्छी व्यवसायिक, माध्यमिक, उच्च माध्यमिक, कनिष्ठ – वरिष्ठ महाविद्यालयीन, आयटीआय विद्यार्थी, नेयमीत प्रवासी यांना फार मोठ्या अडचणी निर्माण होत आहेत. ST Fea closed due to potholed road
या सर्वांच्या सोयीचा विचार करून आणि येणारा गणपती उत्सव लक्षात घेत पडवे पोचमार्गाचे खड्डे भरण्याचे काम तात्काळ करण्याची मागणी भाजप तालुकाध्यक्ष निलेश सुर्वे यांनी लेखी निवेदनाद्वारे उप अभियंता जि.प. बांधकाम विभाग पंचायत समिती गुहागर यांचेकडे केली आहे. ST Fea closed due to potholed road
