एक राखी एक पत्र जवानांसाठी

गुहागरच्या कनिष्ठ महाविद्यालयाचा उपक्रम

गुहागर, ता. 19 : येथील श्री देव गोपाळ कृष्ण माध्य. विद्यामंदिर व सदानंद सुदाम पाटील विज्ञान, विष्णुपंत पवार कला व महेश जनार्दन भोसले वाणिज्य कनिष्ठ महाविद्यालयात स्वातंत्र्यदिन व रक्षाबंधनाच्या निमित्ताने एक राखी, एक पत्र जवानांसाठी हा उपक्रम घेण्यात आला. One rakhi one letter for the soldiers

देशांच्या सीमांवर अहोरात्र पहारा देणाऱ्या जवानांविषयी कृतज्ञता व्यक्त करण्यासाठी हा उपक्रम घेतल्याचे उपप्राचार्य विलास कोरके यांनी सांगितले. या उपक्रमांतर्गत महाविद्यालयातील मुलींनी वैयक्तिकरित्या जवानांना पत्र लिहून आपल्या भावना कळविल्या आहेत. One rakhi one letter for the soldiers

या उपक्रमासाठी प्रा. सौ. मनाली बावधनकर व प्रा. सौ. रिया पालशेतकर यांनी विशेष मेहनत घेतली आणि विद्यार्थ्यांना मार्गदर्शन केले. यासाठी प्रशाळेचे मुख्याध्यापक श्री. सुधाकर कांबळे, उपमुख्याध्यापक श्री. विलास कोरके, पर्यवेक्षिका सौ. सुजाता कांबळे व सर्व प्राध्यापक वर्ग व शिक्षकेतर कर्मचारी वर्गाने सहकार्य केले. One rakhi one letter for the soldiers