गुहागर ता. 11 : केंद्रीय मंत्री रामदास आठवले ३ सप्टेंबर रोजी चिपळूण दौऱ्यावर येणार असल्याची माहिती रिपब्लिकन पार्टी ऑफ इंडियाचे (आठवले गट ) महाराष्ट्र कोकण संघटक संदेश मोहिते यांनी दिली आहे. या दौऱ्यात मंत्री रामदास आठवले यशोधननगर येथील ॲड. दयानंद मोहिते फाउंडेशन स्मारकाची पाहणी करतील. त्यानंतर कापसाळ येथील स्व . लक्ष्मीबाई बाळासाहेब माटे सभागृह येथे कार्यकर्ता मेळाव्याला ते उपस्थित राहणार आहेत. Minister Ramdas Athawale on Chiplun visit
याबाबत रिपाइं महाराष्ट्र कोकण संघटक संदेश मोहिते यांनी सांगितले कि, दयानंद मोहिते फाउंडेशनच्या इमारतीच्या भूमिपूजनाला आठवले सात वर्षांपूर्वी चिपळुणात आले होते. येथे अत्याधुनिक डायलेसिस मशिन एमआरआय मशिन, सोनोग्राफी लायब्ररी जनतेच्या सुविधांसाठी मोफत उपलब्ध करण्यात येणार आहेत. ही इमारत डिसेंबर २०२४ पर्यंत पूर्ण होईल. तसेच चिपळूणला आकाशवाणी प्रक्षेपण बंद करण्यात आले आहे, ते पुन्हा सुरु करण्यात यावे, अशी मागणी त्यांच्याकडे करण्यात येणार आहे. चिपळूणच्या विकासकामांसाठीही भरघोस निधी ते उपलब्ध करून देतील असे मोहिते यांनी सांगितले. Minister Ramdas Athawale on Chiplun visit
