श्रीलक्ष्मीपल्लीनाथ मंदिरात ऋग्वेद संहिता स्वाहाकार

रत्नागिरी, ता. 01 : मठ ता. लांजा येथील श्रीलक्ष्मीपल्लीनाथ मंदिरात येत्या ३० जुलै ते ४ ऑगस्ट या कालावधीत ऋग्वेद संहिता स्वाहाकार सुरू आहे. अधिक श्रावण मासानिमित्ताने हा कार्यक्रम घेण्यात आला आहे. Rigveda Samhita Svahakar at Srilakshmipallinath Temple

वायंगणी ता. कणकवली, सिंधुदुर्ग येथील वेदमूर्ती दत्तात्रय मुरवणे गुरुजी यांच्या मार्गदर्शनाखाली हा स्वाहाकार घेण्यात येत आहे. या स्वाहाकारास पुण्यातील घनपाठी वेदमूर्ती गोपाळ जोशी उपस्थित राहणार आहेत. ऋग्वेदातील १० हजार ५०० मंत्रांचे हवन या सप्ताहात होणार आहे. हिंदू राष्ट्राचे सर्वतोपरी सर्व शत्रूंपासून आणि सर्व नैसर्गिक, सामाजिक आपत्तींपासून संरक्षण होणे, सनातन हिंदू धर्माचा अधिकाधिक विस्तार होणे, समाज देशभक्त, बलशाली, धैर्यशील, अपराजित असा बदलणे,  सर्व समाज  संघटित करणे, सर्वांना चांगल्या प्रकारचे निरोगी जीवन मिळणे, समाजातील सर्व घटकांना अधिक सुबत्ता येणे, धर्मातील भेदभाव, द्वेष समूळ नष्ट होऊन सर्वांना एकमेकांबद्दल परस्परमैत्रीची भावना निर्माण होणे इत्यादी अनेक कारणांसाठी हा स्वाहाकार घेण्यात आला आहे. या सप्ताहात दररोज सकाळी ७ ते दुपारी १ या वेळेत वेदपठण आणि यज्ञ, दुपारी १ वाजता आरती- मंत्रपुष्प होईल. Rigveda Samhita Svahakar at Srilakshmipallinath Temple

या स्वाहाकाराकरिता येणाऱ्या तसेच देणगी देऊ इच्छिणाऱ्या भक्तांनी श्रेयस मुळ्ये (9405917567/ 9028745038), नंदकुमार नेवाळकर (9270963574) किंवा उमेश आंबर्डेकर (9850082437) यांच्याशी संपर्क साधावा, असे आवाहन करण्यात आले आहे. Rigveda Samhita Svahakar at Srilakshmipallinath Temple