कॉम्प्युटर, इलेक्ट्रॉनिक्स व कॉम्प्युटर इंजिनिअरिंगचा समावेश
गुहागर, ता. 04 : तालुक्यातील वेळणेश्वर अभियांत्रिकी महाविद्यालयात (Velaneshwar College of Engineering) चालू शैक्षणिक वर्ष २०२३-२४ ची अभियांत्रिकी प्रवेश प्रक्रिया चालू झाली आहे. आठवड्यातील सोमवार ते रविवार ह्या कालावधीत सकाळी नऊ ते संध्याकाळी पाच वाजेपर्यंत ही प्रवेश प्रक्रिया चालू राहील. त्याचप्रमाणे औद्योगिक व्यवसायातील आवश्यकता व विद्यार्थ्यांची आवड लक्षात घेऊन महाविद्यालयात चालू शैक्षणिक वर्षापासून कॉम्प्युटर, इलेक्ट्रॉनिक्स अॅण्ड कॉम्प्युटर इंजिनिअरिंग या दोन नवीन पदवी शाखाही सुरू करण्यात आले आहेत. Admission started in Velaneshwar college
इलेक्ट्रॉनिक्स इंजिनिअरिंग तसेच कॉम्प्युटर इंजिनिअरिंग या दोन्ही अभ्यासक्रमांचा एकत्रित अभ्यास करता येईल. त्यामध्ये विद्यार्थ्यांना अद्यावत तंत्रज्ञानाचा जसे 5G, 6G तंत्रज्ञान, चिप डिझाईन, रोबोटिक्स, आय.ओ.टी यांचा अभ्यास होईल. त्याचबरोबर कॉम्प्युटर इंजिनिअरिंगचे मशिन्स लर्निग, आर्टिफिशियल इंटेलिजन्स, डाटा सायन्स यांचाही अभ्यास होईल. Admission started in Velaneshwar college
तसेच कॉम्प्युटर इंजिनिअरिंग या अभ्यासक्रमामध्ये डाटा सायन्स, वेब डिझायनिंग, सायबर सिक्युरिटी, मशिन लर्निंग तसेच आर्टिफिशियल इंटेलिजन्स यांचा अभ्यास करता येईल. या दोन्ही शाखांमधून अभ्यासक्रम पूर्ण केल्यानंतर विद्यार्थ्यांना टेस्टिंग इंजिनिअर, सॉफ्टवेअर डेव्हेलपर, सिस्टिम अॅनालिस्ट, सिस्टिम कंट्रोल इंजिनिअर, टेलिकम्युनिकेशन इंजिनियर, एम्बडेड सिस्टिम डिझायनर अशा नोकरीच्या संधी उपलब्ध होणार आहेत.
ग्रामीण भागात राहूनही औद्योगिक क्षेत्रासाठी अनुकुल अशी शिक्षण पध्दती अवलंबिल्याबद्दल वेळणेश्र्वरच्या महर्षी परशुराम अभियांत्रिकी महाविद्यालयाला बेस्ट इंडस्ट्रियल इंटरफेस कॉलेज ऑफ द ईयर या पुरस्काराने गौरविण्यात आले आहे. हा पुरस्कार इंडियन अचिव्हर्स फोरम या संस्थेतर्फे देण्यात आला आहे. Admission started in Velaneshwar college
त्यामुळे या महाविद्यालयात अभियांत्रिकी पदवी अभ्यासक्रमाच्या कॉम्प्युटर, इलेक्ट्रॉनिक्स अॅण्ड कॉम्प्युटर इंजिनिअरिंग या दोन शाखांसोबत मेकॅनिकल अभियांत्रिकी, सिव्हिल अभियांत्रिकी, इलेक्ट्रिकल अभियांत्रिकी, इन्स्ट्रुमेटेंशन अभियांत्रिकी या शाखाही उपलब्ध आहेत. तरी विद्यार्थ्यांनी या पदवी शाखांचा जास्तीतजास्त फायदा करून घ्यावा, असे आवाहन महाविद्यालयाच्या वतीने करण्यात आले आहे. Admission started in Velaneshwar college
