वैष्णवी साखरकरची नवोदय विद्यालयासाठी निवड

गुहागर, ता. 30 : जि. प. केंद्र शाळा केळशी नं. १ ची विद्यार्थिनी कुमारी वैष्णवी स्वप्निल साखरकर हिची पडवे, रत्नागिरी येथील जवाहर नवोदय विद्यालयाच्या इयत्ता सहावी वर्गासाठी निवड झाली आहे. वैष्णवी ने इयत्ता पाचवीच्या स्कॉलरशिप परीक्षेत 220 गुण प्राप्त केले आहेत. वैष्णवी साखरकर  ही मूळची गुहागर वरचापाट येथील असून सध्या शिक्षणासाठी केळशी येथे आहे. Selection of Vaishnavi for Navodaya Vidyalaya

या तिच्या यशाबद्दल दापोली पंचायत समितीचे गटविकास अधिकारी श्री. दिघे आणि गटशिक्षणाधिकारी श्री. बळवंतराव  यांनी तिचे अभिनंदन केले आहे. या तिच्या यशामागे वर्ग शिक्षिका सौ दिप्ती दत्तात्रय माळवदे यांची मेहनत आहे. कोणतीही खाजगी शिकवणी न घेता तिने हे यश संपादन केले आहे.  Selection of Vaishnavi for Navodaya Vidyalaya

या परीक्षेचा अभ्यास सौ. माळवदे मॅडम यांनी घेतला. त्यांची मेहनत व माझे मामा डॉ.स्वप्निल सुहास गुहागरकर यांनी दिलेले प्रोत्साहन तसेच माझ्या आईने सौ.सुयोगी स्वप्निल साखरकर हिने माझ्या शिक्षणासाठी घेतलेली मेहनत व मार्गदर्शन व आजोबा श्री.सुरेंद्र दिनकर करदेकर यांचे आम्हाला असलेले सहकार्य  यामुळेच हे यश मला मिळाले असे मनोगत  वैष्णवी ने व्यक्त केले आहे. केळशी परिसरातून वैष्णवीचे अभिनंदन व कौतुक होत आहे. Selection of Vaishnavi for Navodaya Vidyalaya