विद्यार्थ्यांचे औक्षण आणि पाठ्यपुस्तकांचे वितरण
संदेश कदम, आबलोली
गुहागर, ता. 21 : तालुक्यातील जि. प. प्राथमिक आदर्श शाळा खोडदे नं. १ येथे शाळेच्या पहिल्या दिवशी प्रवेशोत्सव साजरा करण्यात आला. शिक्षण जागृतीसाठी फेरी, प्रथम प्रवेश घेण्याऱ्या विद्यार्थ्यांचे औक्षण, खाऊवाटप, पाठ्यपुस्तकांचे वितरण असे कार्यक्रम प्रवेशोत्सवानिमित्त घेण्यात आले. तसेच शाळेच्या बोअरवेलचे उद्घाटन मान्यवरांच्या हस्ते करण्यात आले. Khodde school Entrance Festival
निर्मल ग्रामपंचायत खोडदे उपसरपंच व सदस्य शाळा व्यवस्थापन कमिटी खोडदे नं.१ तसेच सर्व पालक व ग्रामस्थ यांचे उपस्थितीत जि. प. प्राथमिक आदर्श शाळा खोडदे नं.१ येथे शाळा प्रवेशोत्सव उत्साहात संपन्न झाला. या निमित्ताने गावामध्ये शिक्षण जागृती फेरी काढण्यात आली. फेरीमध्ये शिक्षणाचे महत्त्व सांगणाऱ्या घोषणा देण्यात आल्या. शिक्षण जागृती फेरी शाळेत आल्यावर इयत्ता पहिलीमध्ये प्रथमच प्रवेश घेणाऱ्या कु. आरुष शैलेश पवार, कु. मीरा संतोष गुरव, कु. लावण्या दशरथ नवरेकर, कु. मंजिरी सुजय पाटील या विद्यार्थ्यांचे औक्षण करण्यात आले. शाळेचा पहिलाच दिवस असल्याने सर्व विद्यार्थ्यांचे स्वागत गुलाबाचे फुल देवून करण्यात आले. उपस्थित सर्व विद्यार्थी आणि पालक, मान्यवर यांना खाऊ वाटण्यात आला. तसेच विद्यार्थ्यांना पाठ्यपुस्तकांचे वितरण करण्यात आले. Khodde school Entrance Festival
निर्मल ग्रामपंचायत खोडदेने १५ व्या वित्त आयोगातून जि. प. प्राथमिक आदर्श शाळा खोडदे नं. १ बोअरवेल मंजूर केली होती. शाळा सुरु होण्यापूर्वी ग्रामपंचायतीने हे काम पूर्ण केले. शाळेच्या पहिल्या दिवशी बोअरवेलचे उद्घाटन आणि शाळेकडे हस्तांतरणाचा कार्यक्रम आयोजित करण्यात आला होता. बोअरवेलचे उद्घाटन उपसरपंच कुमारी पूजा गुरव यांनी केले. यावेळी ग्रामपंचायत सदस्य सौ. तनुजा पवार, श्री. नाना साळवी, शाळा व्यवस्थापन कमिटीचे अध्यक्ष संदेश साळवी, उपाध्यक्ष सौ. अपर्णा साळवी, शिक्षण तज्ञ विलास गुरव, मुख्याध्यापक श्री. आगिवले गुरुजी, सामाजिक कार्यकर्ते शरद साळवी, सुरेश साळवी, विनायक गुरव, महेश साळवी उपस्थित होते. Khodde school Entrance Festival
प्रवेशोत्सव आणि बोअरवेलच्या उद्घाटनाचे वेळी संतोष गुरव, सुजय पाटील, सौ. शर्वरी साळवी, सौ. मधुरा साळवी, सौ. मधुरा साळवी सौ. साक्षी सावंत, सौ. सुषमा पांचाळ, सौ. पवार, सौ. पांचाळ, सौ. कोली, सौ. रेपाळ, सौ. गुरव मॅडम, श्रीमती प्रिया पवार, श्रीमती श्रद्धा साळवी, सौ. मयुरी साळवी, सौ. वैदही चव्हाण, श्री. नितीन मोहिते आदी ग्रामस्थ व पालक उपस्थित होते. या कार्यक्रमाचे नियोजन संदेश साळवी सर आणि विलास गुरव शिक्षण तज्ञ यांनी संपूर्ण केले. श्री. विलास गुरव यांनी संपूर्ण कार्यक्रमाचे सूत्रसंचालन केले तर श्री. आगिवले सर यांनी आभार मानून कार्यक्रमाची सांगता झाली. Khodde school Entrance Festival
