महाराष्ट्र पत्रकार संघाच्या कोकण विभागातून प्रदान
गुहागर, ता. 18 : वकीली व कर सल्लागार व्यवसायाबरोबरच अन्य क्षेत्रात चौफेर कामगिरी करणारे गुहागर तालुक्यातील शृंगारतळी येथील ॲड. सुशील अवेरे यांना राष्ट्रीय नवरत्न पुरस्काराने गौरविण्यात आले. हा पुरस्कार महाराष्ट्र पत्रकार संघाचा कोकण विभागातून नुकताच पंढरपूर येथे प्रदान करण्यात आला. या पुरस्काराबद्दल श्री. अवेरे यांचे सर्व स्तरातून अभिनंदन होत आहे. National Navratna Award to Sushil Avere
गुहागर तालुक्यातील पालशेत-निवोशी या गावचे सुपूत्र असलेले ॲड. सुशील अवेरे यांनी पदव्युत्तर शिक्षणानंतर एम.काँम., जीडीसी, एल.एल.बी. अशा अनेक पदव्या प्राप्त केल्या. तालुक्यात उत्कृष्ट कर सल्लागार म्हणून त्यांचा नावलौकीक आहे. सध्या ते शासकीय, निमशासकीय संस्थांना कर विषयक प्रशिक्षक म्हणूनही जबाबदारी पार पाडत आहेत. या जोडीला सामाजिक कार्याची आवड म्हणून स्पर्धा परीक्षा, विद्यार्थी करीअर, स्वयंरोजगार अशा पध्दतीचे विद्यार्थ्यांना मोलाचे मार्गदर्शन करत असतात. सामाजिक कार्यामुळे ॲड. अवेरे गुहागर तालुक्याप्रमाणे जिल्हास्तरीय विविध संस्थांमध्ये पदाधिकारी म्हणून कार्यरत आहेत. महाराष्ट्र राज्य जीएसटी प्रक्टीशनर असोशिएशनचे सदस्य, रत्नागिरी कर सल्लागार असोशिएशनचे सदस्य, अखिल भारतीय ग्राहक पंचायतीचे तालुका कोषाध्यक्ष, गुहागर तालुका वकील संघाचे सचिव, गुहागर तालुका अपंग पुनर्वसन संस्थेचे कायदेशीर सल्लागार, गुहागर तालुका औद्योगिक बहु.ग्रामीण सह. संस्थेवर बिनविरोध अध्यक्ष म्हणून निवडून आले आहेत. त्यांच्या या कार्याची दखल घेऊन महाराष्ट्र पत्रकार संघातर्फे राष्ट्रीय नवरत्न पुरस्कार प्रदान करण्यात आला आहे. National Navratna Award to Sushil Avere
