मीरा कोलकांडचे चित्र व माहिती विशेष आकर्षण
गुहागर, ता. 26 : तालुक्यातील पाटपन्हाळे एज्युकेशन सोसायटी संचलित न्यू इंग्लिश स्कूल व कनिष्ठ महाविद्यालय पाटपन्हाळे (New English School and Junior College, Patpanhale) या विद्यालयात इंग्रजी भाषा दिन नुकताच साजरा करण्यात आला. हा कार्यक्रम मुख्याध्यापक श्री.एम.ए.थरकार यांच्या अध्यक्षतेखाली पार पडला. English language day celebrated in Patpanhale school
इंग्रजी भाषा दिन कार्यक्रमानिमित्त विद्यालयातील बहुसंख्य विद्यार्थ्यांनी इंग्रजी भाषेमधून कविता, विविध विषयांवरील माहिती, इंग्रजी भाषेतील प्रसिद्ध कवी व नाटककार विल्यम शेक्सपियर यांच्याबद्दल माहिती सादर केली. विद्यालयातील कु. मीरा कोलकांड हिने विल्यम शेक्सपियर यांचे रेखाटलेले चित्र व सादर केलेली माहिती कार्यक्रमात विशेष आकर्षण ठरली. English language day celebrated in Patpanhale school
कार्यक्रमाचे अध्यक्ष श्री. एम. ए. थरकार यांच्या हस्ते इंग्रजी साहित्यिक, कवी, नाटककार विल्यम शेक्सपियर यांच्या प्रतिमेला पुष्पहार अर्पण करून कार्यक्रमाचा शुभारंभ करण्यात आला. विद्यालयातील इयत्ता पाचवी ते नववीमधील कु. भक्ती दीक्षित, पुनम मोहिते, पूर्वा माळी, शमिका भिडे, सार्थक मेस्त्री, मृण्मयी जाधव, मीरा कोलकांड या विद्यार्थ्यांनी इंग्रजी भाषेमधून कविता, विविध विषयांवरील माहिती, इंग्रजी भाषा दिनाचे महत्त्व, इंग्रजी भाषा विषयक साहित्यिक , कवी, नाटककार विल्यम शेक्सपियर यांचा जीवन परिचय या विषयांबाबत माहिती सादर केली. सदरच्या कार्यक्रमाचे आयोजन व विद्यार्थ्यांना मार्गदर्शन विषय शिक्षिका सौ. एन.पी. वैद्य यांनी केले होते. English language day celebrated in Patpanhale school
कार्यक्रमाध्यक्ष व मुख्याध्यापक श्री.एम.ए.थरकार यांनी इंग्रजी भाषा दिन कार्यक्रमात सहभागी झालेल्या व इंग्रजी मधून सादर केलेल्या माहितीबद्दल विद्यार्थ्यांचे अभिनंदन केले. इंग्रजी भाषा दिन व इंग्रजी भाषेचे महत्व याबाबत श्री थरकार यांनी मार्गदर्शन केले. इंग्रजी विषय शिक्षिका सौ. एन.पी. वैद्य यांनी कार्यक्रमाचे सूत्रसंचालन केले. या कार्यक्रमाला सांस्कृतिक विभागाचे प्रतिनिधी श्री.एस. वाय भिडे, श्री.एस. एम. आंबेकर, इंग्रजी विषय शिक्षिका सौ. एन. पी. वैद्य उपस्थित होते. English language day celebrated in Patpanhale school
