असोरे येथे डॉ. बाबासाहेब आंबेडकर जयंती साजरी

गुहागर, ता. 17 : तालुक्यातील असोरे गावातील बौद्धजन सेवा संघ (रजि.) असोरे, सावित्री बाई फुले आदर्श महिला मंडळ आणि सिध्दार्थ कला वैभव मंडळ यांच्या वतीने विश्वरत्न डॉ. बाबासाहेब आंबेडकर जयंती साजरी करण्यात आली. त्यांच्या १३२ व्या जयंती निमित्त गावच्या लुंबिनी बुद्ध विहारात कार्यक्रम घेण्यात आला. Dr. Babasaheb Ambedkar Jayanti at Asore

यावेळी मुंबई पोलीस दलातील माजी पोलीस अधिकारी अशोक सुर्वे यांच्या हस्ते विहारातील आवारात धम्म ध्वज फडकविण्यात आला. तर पक्ष ध्वज प्रकाश सुर्वे यांनी फडकविला. या कार्यक्रमाचे अध्यक्षपदी धर्मादास पवार व उपाध्यक्षपदी प्रवीण सुर्वे यांनी भूषविले. यावेळी वाडी सदस्य आणि उपसरपंच म्हणून निवडून आलेले उमेदवार श्रीकांत सुर्वे यांचे स्वागत अध्यक्षच्या हस्ते करण्यात आले. Dr. Babasaheb Ambedkar Jayanti at Asore

या कार्यक्रमात दिलीप सुर्वे, सुधाकर सुर्वे, अरविंद सुर्वे यांनी जयंती निमित्त मनोगत मांडले. या कार्यक्रमाचे सूत्रसंचालन प्रशांत सुर्वे यांनी केले असून संपूर्ण नियोजित कार्यक्रमाचे छायाचित्र अजय सुर्वे यांनी टिपले. कार्यक्रम उत्साहात साजरा करण्यासाठी असोरे गावातील जेष्ठ नागरिक, महिला मंडळ आणि लहानमुले उपस्थित होते. Dr. Babasaheb Ambedkar Jayanti at Asore