असगोली येथे हनुमान जन्मोत्सव सोहळा

धार्मिक व सांस्कृतिक कार्यक्रमांचे आयोजन

गुहागर ता. 04 : प्रतिवर्षा प्रमाणे श्री हनुमान सेवा मंडळ, असगोली यांच्यावतीने हनुमान जन्मोत्सव सोहळा गुरुवार दि. 06 एप्रिल 2023 आयोजित करण्यात आला आहे. यानिमित्त धार्मिक व सांस्कृतिक कार्यक्रमांचे आयोजन करण्यात आले आहे. यामध्ये रेकॉर्ड डान्स व सांस्कृतिक कार्यक्रम, श्री सत्यनारायण महापूजा, पालखी मिरवणूक, डबलबारी भजनाचा जंगी सामना व नमन आदी कार्यक्रमांचा समावेश आहे. तरी सर्वांनी दर्शनाचा लाभ घेऊन कार्यक्रमास उपस्थित रहावे, अशी विनंती मंडळतर्फे करण्यात आली आहे. Shri Hanuman Janmatsav at Asgoli

श्री हनुमान जन्मोत्सव सोहळानिमित्त बुधवार दि. 05 रोजी रात्रौ 10 वा. असगोली मर्यादित रेकॉर्ड डान्स व सांस्कृतिक कार्यक्रम, गुरुवार दि. 06 रोजी स. 6.20 वा. जन्मकाळ, स. 10 वा. श्री सत्यनारायण महापूजा, स. 11.30 वा. आरती, दु. 12 ते 2 वा. महाप्रसाद, सायं. 3 वा. पालखी मिरवणूक, रात्रौ 10 वा. डबलबारी भजनाचा जंगी सामना (श्री भुतेश्वर प्रासादिक भजन मंडळ, खुडी-देवगड, बुवा. श्री. संतोष द. जोईल गुरूवर्य श्री. श्रीधर मुणगेकर यांचे शिष्य, पकवाज – श्री. शाम तांबे, तबला – श्री. अक्षय मेस्त्री) व (ओम साईलिला प्रासादिक भजन मंडळ, भांडुप – मुंबई, बुवा. श्री. चंद्रकांत जाधव गुरूवर्य श्री. भगवान लोकरे यांचे शिष्य, पकवाज – श्री. रोहन घाडीगावकर, तबला – श्री. साहिल लाड) यांच्यामध्ये होणार आहे.  शनिवार दि. 08 रोजी रात्रौ 10 वा. राजहंस नमन मंडळ वरवेली – रांजाणेवाडी यांचे नमन सादर होणार आहे. Shri Hanuman Janmatsav at Asgoli

तरी सर्व ग्रामस्थांनी या कार्यक्रमाचा लाभ घ्यावा, असे आवाहन श्री हनुमान सेवा मंडळ, असगोली यांनी केले आहे. Shri Hanuman Janmatsav at Asgoli