गुहागर बाजारपेठ येथे हनुमान जन्मोत्सव सोहळा

गुहागर ता. 04 : श्री देव हनुमान देवस्थान फंड बाजारपेठ यांच्यावतीने प्रतिवर्षा प्रमाणे हनुमान जन्मोत्सव सोहळा आयोजित करण्यात आला आहे. गुरुवार दि. 06 एप्रिल 2023 रोजी श्री व्याडेश्वर मंदिर प्रांगणात हनुमान जन्मोत्सव साजरा करण्यात येणार आहे. तरी सर्वांनी दर्शनाचा लाभ घेऊन कार्यक्रमास उपस्थित रहावे, अशी विनंती करण्यात आली आहे. Shri Hanuman Janmatsav at Guhagar

जन्मोत्सवानिमित्त गुरुवार दि. 06 रोजी स. 6 ते 8 वा. किर्तनकार ह.भ.प.श्री. विनायक श्रीराम चितळे, पनवेल यांचे जन्मोत्सवाचे किर्तन, स. 9 ते 10 वा. श्रींची पुजा, अभिषेक, लघुरुद्र, दु. 11 ते 12 वा. स्वरसाधना महिला भजन मंडळ, खालचापाट गुहागर, यांचे सुश्राव्य भजन, दु. 12 वा. महाआरती, दु. 3 ते 4 वा. श्री कलावती आई भजन मंडळ यांचे भजन सायं. 6 ते 8 लळीताचे किर्तन हे कार्यक्रम करण्यात येणार आहेत. Shri Hanuman Janmatsav at Guhagar

तरी सर्व ग्रामस्थांनी या कार्यक्रमाचा लाभ घ्यावा, असे आवाहन अध्यक्ष  हनुमान देवस्थान फंड बाजारपेठ गुहागर यांनी केले आहे. Shri Hanuman Janmatsav at Guhagar