श्री. रमेश तुकाराम चव्हाण यांनी आईच्या स्मरणार्थ दिला १६० पुस्तकांचा संच
गुहागर, ता. 16 : कै. सौ. जनाबाई तुकाराम चव्हाण यांच्या स्मरणार्थ पुणे येथील श्री. रमेश तुकाराम चव्हाण यांनी न्यू इंग्लिश स्कूल व कनिष्ठ महाविद्यालय पाटपन्हाळे यांना सुमारे १६० पुस्तकांचा संच देणगी रूपाने भेट दिली. पाटपन्हाळे एज्युकेशन सोसायटीचे सचिव सुधाकर चव्हाण, संचालक अनंत चव्हाण व मुख्याध्यापक श्री.एम.ए.थरकार यांच्याकडे पुस्तक वितरण कार्यक्रमानिमित्त पुस्तक संच सुपूर्द केला. Gift of books to Patpanhale College
पुणे येथील श्री.रमेश तुकाराम चव्हाण यांच्या मातोश्री कै.सौ.जनाबाई तुकाराम चव्हाण यांना वाचनाची आवड, उत्तम पाठांतर ही कौशल्ये वयाच्या ७५ व्या वर्षापर्यंत जोपासलेली होती. शैक्षणिक कार्याने आईची स्मृती राहावी, या हेतूने श्री. चव्हाण यांनी मनोरंजनात्मक, बोधात्मक, विविध मराठी साहित्यिक व कवी, वैज्ञानिक, पर्यावरणविषयक अशा विविध विषयांनुसार सुमारे १६० पुस्तकांचा संच देणगीरुपी भेटवस्तू न्यू इंग्लिश स्कूल व कनिष्ठ महाविद्यालय पाटपन्हाळे विद्यालयात पुस्तक वितरण समारंभात दिली. Gift of books to Patpanhale College
या उपक्रमातून विद्यार्थ्यांना ज्ञान संपादन करता येणार आहे. विद्यार्थ्यांमध्ये वाचन कौशल्य वाढण्याच्या हेतूने असा उपक्रम पाटपन्हाळे हायस्कूलच्या सहकार्याने राबविण्यात आल्याचे सांगितले. तसेच आगामी काळात विद्यार्थ्यांना विविध विषयांबाबतची पुस्तके वितरीत करण्याचा मानसही त्यांनी व्यक्त केला. पाटपन्हाळे एज्युकेशन सोसायटीचे सचिव सुधाकर चव्हाण यांनी रमेश चव्हाण यांनी पुस्तकरुपी देणगी दिल्याबद्दल आभार व्यक्त केले. विविध पुस्तके वाचून विद्यार्थ्यांना ज्ञान संपादन करता येईल. विद्यार्थ्यांमध्ये पुस्तक वाचण्याची सवय लागून अभ्यासवृत्ती वाढेल, असे ते म्हणाले. मुख्याध्यापक श्री. एम.ए. थरकार यांनी रमेश चव्हाण व परिवाराने पाटपन्हाळे हायस्कूलसाठी पुस्तकरुपी भेट दिल्याबद्दल धन्यवाद दिले. पुस्तकरूपी भेटवस्तूतून शाळा व विद्यार्थी यांना फायदा होणार आहे. विद्यार्थ्यांनी विविध पुस्तके वाचून वाचन कौशल्य आत्मसात करायला हवे. ज्ञान संपादनासाठी पुस्तकांचे मोल खूप मोठे आहे. विद्यार्थ्यांनी वाचन प्रवृत्ती अंगीकारली पाहिजे असे त्यांनी सांगितले. Gift of books to Patpanhale College
यावेळी देणगीदार रमेश तुकाराम चव्हाण, पत्नी सौ.गीता चव्हाण, मुलगी योगिता चव्हाण, शिरळ ग्रामपंचायत सदस्या संगीता मोरे, पाटपन्हाळे एज्युकेशन सोसायटीचे सचिव सुधाकर चव्हाण, संचालक अनंत चव्हाण, मुख्याध्यापक एम.ए. थरकार, सांस्कृतिक विभाग प्रतिनिधी श्री. एस.एम.आंबेकर, सौ. एन.पी. वैद्य आदी उपस्थित होते. सहाय्यक शिक्षिका सौ.एन.पी.वैद्य यांनी कार्यक्रमाचे सूत्रसंचालन केले. Gift of books to Patpanhale College
