गुहागर, ता.11 : “हाय रे हाय आणि … च्या जीवात काय नाय रे… होलियो!” हे शब्द कानावर पडले की कोकणी माणसाच्या अंगात काही वेगळंच बळ संचारतं. ढोल ताशांचे आवाज कानात घुमू लागतात. आपले देव साक्षात आपल्या दारी येतायत ही भावना मनामध्ये एका विलक्षण ऊर्जेची निर्मिती करते. संकासुर, खेळे, गोमू, दशावतार, नमन आणि मृदूंगावर पडणारी लयबद्ध थाप सगळं काही क्षणात डोळ्यासमोर थैमान घालू लागतं. खरंच शिमगा म्हटलं की, नव्या जल्लोषाची पाने कोकणी माणसाच्या आयुष्याला जोडली जातात. Shimgya in Konkan rejoices in Virar
हाच शिमगोत्सव कारगिल नगर विरार पूर्व येथे गुहागर मधील सर्व ग्रामस्थ मिळून दरवर्षी प्रमाणे ह्या ही वर्षी होळी निमित्त कोकणचे खेळे सर्वांना पाहायला मिळाले. हे ग्रामस्थ विरारमध्ये विविध भागात राहत असून होळीच्या दुसऱ्या दिवशी एकत्र येतात. पारंपरिक संस्कृतीचे जतन करण्याच्या हेतुने कोकणचे खेळे हा जग प्रसिध्द असलेला खेळ आता कोकणातच नाही. तर गेली ५-६ वर्षापासून विरार मध्ये देखील पाहायला मिळतो. Shimgya in Konkan rejoices in Virar
होळी, धुळीवंदन अर्थात शिमगोत्सव. यंदा वसईत एक गाव एक होळीकोत्सव असे चित्र पहायला मिळाले. शिमगा म्हणजे कोकणच असे एक समिकरणाचे खऱ्या अर्थाचे दर्शन विरारमध्ये पहायला मिळाले. ह्यामध्ये गोमू आणि सांकासुर हे आकर्षण असते परंतु कोकणात ह्यांना देवाचे स्थान दिले जाते त्यामुळे ते एक देवाचे रूपच जणू. गाण्याच्या तालावर आणि सकासुर नाचतात, आरती करतात आणि देवाला गाऱ्हाणे बोलतात. मंगळवारी विरारमध्ये कोकणी बांधवांकडून शिमगोत्सवाचा पारंपारिक ठसका अनूभवायला मिळाला. तसेच एकमेकांना रंग लावून होळी सणाचा आनंदही लुटला. Shimgya in Konkan rejoices in Virar
