काथ्यावर आधारित उद्योजकता विकास प्रशिक्षण

गुहागर भंडारी भवन येथे दि. 10 रोजी सकाळी 11 वाजता

गुहागर, ता. 08 : महाराष्ट्र काथ्या धोरण 2018 यानुसार गुहागर येथे मोफत एक दिवसीय उद्योजकता परिचय कार्यक्रम तथा 30 दिवसीय उद्योजकता विकास प्रशिक्षण कार्यक्रमाचे आयोजन करण्यात आले आहे. हे प्रशिक्षण गुहागर भंडारी भवन सभागृहात दि. 10 मार्च 2023 रोजी स. 11 वा. सुरू होणार आहे. Entrepreneurship development training at Guhagar

महाराष्ट्र शासनाच्या महाराष्ट्र काथ्या धोरण 2018 अंतर्गत महाराष्ट्र राज्य लघु उद्योग विकास महामंडळ (MSSIDC) मुंबई पुरस्कृत तथा महाराष्ट्र उद्योजकता विकास केन्द्र (MCED) रत्नागिरी कार्यालयातर्फे काथ्या उद्योगाचे संवर्धन, प्रचार व प्रसार करण्यासाठी मोफत उद्योजकता परिचय कार्यक्रमाचे आयोजन करण्यात येत आहे. कोकण विभाग काथ्या उद्योग व्यवसाय मधील उद्योग संधी, महाराष्ट्र कोकण विभाग काथ्या धोरण – 2018 बद्दलची माहिती या सोबत विविध काथ्या उद्योगांची माहिती, आधुनिक तंत्रज्ञानाद्वारे काथ्यावर आधारित कुटीरोद्दोग कसा करावा बाबत माहिती व मार्गदर्शन तज्ञ व शासकीय – निमशासक अधिकार्यांमार्फत केले जाणार आहे. विविध शासकीय कर्ज योजना व सबसिडी योजनांची माहिती देखील या कार्यक्रमात दिली जाणार आहे. Entrepreneurship development training at Guhagar

या कार्यक्रमात 18 ते 50 वयोगटातील स्त्री – पुरुष, बेरोजगार युवक, युवती, महिला, बचत गट सदस्य भाग घेऊ शकतात. शिक्षण 7 वी पास आवश्यक आहे. या एकदिवसीय मोफत प्रशिक्षण कार्यक्रमात उपस्थित प्रशिक्षणार्थी मधून निवडक प्रशिक्षणार्थीना एक महिना कालावधीचे प्रात्यक्षिक प्रशिक्षण देण्यात येणार आहे. यात पुर्ण वेळ उपस्थित असणाऱ्या लाभार्थांना शासनाने प्रमाणपत्र व 2000 रू. विद्या वेतन दिले जाणार आहे. तरी इच्छुक युवक- युवतींनी, महिलांनी शुक्रवार दि. 10 रोजी स. 11 वा भंडारी भवनात उपस्थित रहावे, असे आवाहन महाराष्ट्र राज्य लघु उद्योग विकास महामंडळ मुंबई व महाराष्ट्र उद्योजकता विकास केन्द्र रत्नागिरी यांनी केले आहे. Entrepreneurship development training at Guhagar