महिलांची फसवणूक करणाऱ्या भामट्याची जामिनावर सुटका

गुहागर शहरातील प्रकार; ॲड. अलंकार विखारे यांनी केला युक्तिवाद

गुहागर, ता. 15 : सॅनिटरी पॅड व डिटर्जंट पावडर बनवून देण्याचा घरबसल्या रोजगार मिळवून देतो, असे सांगत जिल्ह्यातील 151 महिलांकडून सभासद फी व कच्चा माल देण्यासाठी गुहागर शहरातील 72 हजार 601 रुपयांचे रक्कम घेऊन फसवणूक केली. या प्रकरणी जळगाव येथील संदीप शरद मुळे याच्यावर फसवणुकीचा गुन्हा दाखल झाल्यानंतर मंगळवारी गुहागर न्यायालयाने जामीन मंजूर केला आहे. आरोपीच्या वतीने ॲड. संकेत साळवी व ॲड. अलंकार विखारे यांनी काम पाहिले. Cheater of women released on bail

गुहागर पोलीस ठाण्यात महिलांनी दिलेल्या माहितीनुसार 10 जून 2022 रोजी गरज फाउंडेशन या नावाने संदीप शरद मुळे याने व्हाट्सअप ग्रुप तयार केला व जिल्ह्यातील महिलांच्या संपर्कात राहून सॅनिटरी पॅड व डिटर्जंट पावडर घरबसल्या बनवून महिलांना रोजगार संधी मिळवून देतो असे सांगितले. आणि महिलांचे तालुका पातळीवर कमिटी नेमण्यास सांगितले व या कमिटीच्या माध्यमातून तेथील महिलांचे सभासद फी व इतर रोख रक्कम स्वतःच्या जळगाव येथील बँक खात्यात टाकण्यास सांगितले. सुरुवातीचे काही महिने लवकरच कच्चामाल पाठवून देतो असे सांगत चालढकल केली. Cheater of women released on bail

काही महिलांनी याबाबत ग्रुपवर विचारणा केली असता संदीप मुळे याने धमकी दिली. तसेच महिलांशी अर्वाच भाषेत संभाषण केले होते. याप्रकरणी गुहागर पोलीस ठाण्यात गुन्हा दाखल झाल्यानंतर गुहागर न्यायालयाने दोन दिवसाची पोलीस कोठडी सुनावली होती. संदीप मुळे याचेवर भारतीय दंड विधान कलम 419, 420, 406 प्रमाणे गुन्हा रजिस्टर करण्यात आला होता. सदर आरोपीला आज मंगळवारी गुहागर न्यायालयासमोर हजर केले असता आरोपीचे वतीने ॲड. अलंकार अजित विखारे यांनी युक्तिवाद केला. तसेच सदर आरोपीला न्यायालयाने रुपये 15 हजाराचे जामीनावर मुक्त करण्याचा आदेश केला आहे. आरोपीतर्फे ॲड. संकेत अरुण साळवी, ॲड. अलंकार अजित विखारे व ॲड. सुप्रिया सुरेश वाघधरे हे काम पाहत आहेत. Cheater of women released on bail