देहदान जागृतीसाठी तिसंगकर सरसावले

भातगांव तिसंग डिंगणकरवाडीतील ग्रामस्थांनी बसवले नाटकं

गुहागर, ता. 8 : देहदानाविषयी जागृती व्हावी म्हणून गुहागर तालुक्यातील भातगांव तिसंग डिंगणकरवाडीतील ग्रामस्थांनी दोन अंकी नाटक बसवले आहे. या नाटकाचा पहिला प्रयोग दादर येथील शिवाजी मंदिर नाट्यगृहात होत आहे. या नाट्यप्रयोगाला मुंबईतील गुहागरवासीयांनी उपस्थित रहावे, असे आवाहन भातगांव तिसंगच्या पंचऋषी उन्नती मंडळाने केले आहे. Staged plays for body donation awareness

आपण जीवंत असेपर्यंत आपल्या देहाचा उपभोग घेतो. काळजी घेतो. मात्र मृत्यूनंतर देह नष्ट करतो. त्याऐवजी या देहाचे दान केले तर दुसऱ्या एकाचे जगणे आनंददायक होऊ शकते. हा विचार सर्वसामान्यांपर्यंत पोचावा म्हणून भातगांव तिसंगमधील तरुणांनी देहदान हे दोन अंकी नाटक बसवले आहे. Staged plays for body donation awareness

या नाटकाचे लेखन सागर पालवकर यांनी केले असून दिग्दर्शन सुर्यकांत पेजे व नृत्य दिग्दर्शन भालचंद्र पांचाळ  यांनी केले आहे. नाटकामध्ये किरण डिंगणकर, सुनिल डिंगणकर, अमोल डिंगणकर, विशाल डिंगणकर, विश्वास फावरे, दिपेंद्र वेलोंडे, सचिन डिंगणकर, निलेश फावरे, रंजना म्हाब्दी हे कलाकार काम करत आहेत. नाटकाची रंगभूषा रमाकांत घाणेकर, नेपथ्य अशोक पालेकर, प्रकाश योजना नितीन बैकर, पार्श्वसंगीत कल्पेश सोलकर, हार्मोनियम साथ सुरज वेले हे करत आहेत. Staged plays for body donation awareness

या नाटकाचा पहिला प्रयोग शुक्रवारी 10 फेब्रुवारीला छत्रपती शिवाजी नाट्य मंदिर, दादर येथे रात्री 8.00 वा. आयोजित करण्यात आला आहे. हा प्रयोग पहाण्यासाठी मुंबईतील गुहागर तालुकावासीयांनी यावे. असे आवाहन पंचऋषी उन्नती मंडळाचे अध्यक्ष यशवंत डिंगणकर, उपाध्यक्ष अर्जुन वेलोंडे, सचिव संजय वेलोंडे, उपसचिव विश्वास डिंगणकर, खजिनदार संदिप वेलोंडे, सह खजिनदार किरण डिंगणकर, सल्लागार विनोद डिंगणकर, सह सल्लागार निलेश फावरे, दिपक फावरे व सर्व सभासद यांनी केले आहे. अधिक माहितीसाठी विश्वास डिंगणकर 8689851864, राजेंद्र वेलोंडे 9702782876, दिपक फावरे 8689984955, प्रितेश वरवटकर 9702935164 यांचेकडे संपर्क साधावा. Staged plays for body donation awareness