लोकनेते स्वर्गीय सदानंद आरेकर प्रतिष्ठान आयोजित
गुहागर, ता. 06 : येथील लोकनेते स्वर्गीय सदानंद आरेकर प्रतिष्ठान आयोजित किनारा युवा महोत्सव २०२३ चा आमदार शेखर निकम व गुहागर तालुका भंडारी समाजाचे अध्यक्ष भरत शेटे यांच्या हस्ते शानदार शुभारंभ करण्यात आला. Shore Youth Festival
यावेळी आ. शेखर निकम यांनी लोकनेते स्वर्गीय सदानंद आरेकर प्रतिष्ठान तसेच प्रतिष्ठानचे कार्याध्यक्ष साहिल आरेकर याचे युवा महोत्सवाचे आयोजन केल्याबद्दल भरभरून कौतुक केले. गुहागर गाव हे सुंदरतेने नटलेले कोकणातील उत्तम पद्धतीचे गाव आहे. गुहागरात अशा कार्यक्रमाच्या माध्यमातून सर्वांना एकत्रित करून व्यासपीठ दिले जात आहे. राजकारण करत असताना फक्त राजकारण करत न बसता समाजाचे हितही जपले गेले पाहीजे. फक्त एका दिवसाचे राजकारण करून एरव्ही अन्य दिवशी परिसरातील विकासकामे करणे गरजेचे आहे. जनहितार्थ काम करणे तेवढेच महत्वाचे आहे. Shore Youth Festival
कार्यक्रमाच्या प्रस्थाविकेमध्ये प्रतिष्ठानचे अध्यक्ष साहिल आरेकर यांनी किनारा युवा महोत्सव आयोजनाचा उद्देश स्पष्ट केला. गुहागर तालुक्यासाठी ज्यांचे मोलाचे योगदान लाभले ते माजी आमदार स्व. तात्यासाहेब नातू, माजी आमदार स्व. रामभाऊ बेंडल, माजी आमदार म. स. केसरकर, माजी सभापती स्व. सदानंद आरेकर, कुणबी समाज नेते स्व. अर्जुनराव भागडे यांचे तालुक्यासाठी असलेले योगदान यापुढेही सुरू ठेवण्याचा माझा प्रयत्न राहील असे सांगितले. Shore Youth Festival
या कार्यक्रमाच्या निमित्ताने प्रो कब्बडी खेळाडू ऋतुराज कोरावी तसेच फूटबॉलपटू शुभम खानविलकर या खेळाडूंचाही मान्यवरांच्या हस्ते गौरव करण्यात आला. तसेच लोकनेते स्व. सदानंद गोविंद आरेकर युवा पुरस्कार प्रथमेश परांजपे याला देण्यात आला. तर स्व. मदनशेठ गोविंद आरेकर गुहागर तालुका क्रीडा भूषण पुरस्कार आबलोली येथील अनुज साळवी याला प्रदान करण्यात आला. या युवा महोत्सवामध्ये लहान मुलांचे रेकॉर्ड डान्स, संगीत मैफिल, लावणी नृत्याविष्कार सादर करण्यात आला. कार्यक्रमाचे सूत्रसंचालन सिद्धेश आरेकर व दीपक देवकर यांनी केले. कार्यक्रम पाहण्यासाठी गुहागर वसियानी मोठी गर्दी केली होती. Shore Youth Festival
यावेळी गुहागर ता. राष्ट्रवादी काँग्रेसचे अध्यक्ष पद्माकर आरेकर, नगराध्यक्ष राजेश बेंडल, खातू मसाले उद्योगचे मालक शाळीग्राम खातू, भंडारी समाज ज्ञाती अधिकारी अमोल वराडकर, मोहन बागकर, चिपळूण अर्बन को. ऑप. बँकेचे संचालक अजय खातू, स्व. सदानंद आरेकर प्रतिष्ठान गुहागर कार्याध्यक्ष साहिल आरेकर, नगरसेवक अमोल गोयथळे, मंदार कचरेकर, मानसी शेटे, सागर मोरे, नितीन गोयथळे, मनोज बावधनकर, तुषार सुर्वे आदी उपस्थित होते. Shore Youth Festival
