हस्ताक्षर व शुद्धलेखन स्पर्धेत पाटपन्हाळे विद्यालयाचे सुयश

तालुकास्तरीय प्राथमिक गटात समृद्धी आंबेकर प्रथम

गुहागर, ता. 31 : गुहागर तालुका माध्यमिक व उच्च माध्यमिक मुख्याध्यापक संघातर्फे नामदार गोपाळ कृष्ण गोखले विद्यालय कोतळूक येथे नुकतीच तालुकास्तरीय हस्ताक्षर व शुद्धलेखन स्पर्धा पार पडली. या स्पर्धेत न्यू इंग्लिश स्कूल व कनिष्ठ महाविद्यालय पाटपन्हाळेने सुयश संपादन केले आहे. Success of Patpanhale School

गुहागर तालुका माध्यमिक व उच्च माध्यमिक मुख्याध्यापक संघातर्फे संपन्न झालेल्या तालुकास्तरीय हस्ताक्षर व शुद्धलेखन स्पर्धेत इयत्ता पाचवी ते सातवी प्राथमिक विभाग गट क्रमांक – १ मध्ये न्यू इंग्लिश स्कूल व कनिष्ठ विद्यालयातील इयत्ता सातवीमधील विद्यार्थिनी कु. समृद्धी सुरेश आंबेकर हिने प्रथम क्रमांक प्राप्त केला. इयत्ता आठवी ते दहावी या माध्यमिक विभागातील गटात कु. तन्वी संतोष गावडे (इयत्ता – नववी) हिने द्वितीय क्रमांक पटकावला. इयत्ता अकरावी ते बारावी या उच्च माध्यमिक गटात क्रमांक ३ मध्ये कु. साक्षी विजय पवार (अकरावी – वाणिज्य शाखा) हिने तृतीय क्रमांक संपादन केला आहे. Success of Patpanhale School

सदर स्पर्धेतील यशस्वी विद्यार्थ्यांना न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील सांस्कृतिक विभाग प्रमुख व मराठी विषय शिक्षिका सौ. एस.एस. चव्हाण, श्री. एस.एम. आंबेकर, प्रा. सौ.एम.एस. जाधव यांचे मार्गदर्शन लाभले. तालुकास्तरीय हस्ताक्षर व शुद्धलेखन स्पर्धेतील सुयशस्वी व गुणवंत विद्यार्थ्यांचे पाटपन्हाळे एज्युकेशन सोसायटीचे अध्यक्ष भालचंद्र चव्हाण, उपाध्यक्षा सुचिता वेल्हाळ, सचिव सुधाकर चव्हाण व पदाधिकारी तसेच मुख्याध्यापक एम.ए. थरकार , शिक्षकवृंद व शिक्षकेतर कर्मचारी यांनी अभिनंदन केले. Success of Patpanhale School