वेळणेश्वर कुणबी विकास मंडळाचा हीरक महोत्सव साजरा

गुहागर, ता. 30 : वेळणेश्वर कुणबी विकास मंडळ, मुंबई व कुणबी विकास मंडळ वेळणेश्वर यांचा हीरक महोत्सव व स्नेह संमेलन कार्यक्रम नुकताच विरार येथे मोठ्या उत्साहात पार पडला. यावेळी सामाजिक योगदान देणाऱ्या व्यक्तींचा सन्मान करण्यात आला. Festival of Kunbi Development Board

या हीरक महोत्सव कार्यक्रमात डॉ. विजय विर यांनी समाज बांधवांना मार्गदर्शन केले. या कार्यक्रमासाठी माजी जिल्हा परिषद सदस्य सौ. नेत्रा ठाकूर, कुणबी समाजोन्नती संघाचे मुंबई अध्यक्ष कृष्णा वणे, गुहागर तालुका कुणबी सहकारी पतपेढी व्यवस्थापक सुनील रांगळे, गुहागर प्रतिष्ठानचे संस्थापक योगेश कदम, वेळणेश्वर कुणबी विकास मंडळाचे अध्यक्ष विठ्ठल इतापे, कार्याध्यक्ष शंकर पाडावे, सचिव रवींद्र इतापे, खजिनदार सुधाकर पाडावे व अन्य पदाधिकारी उपस्थित होते. Festival of Kunbi Development Board