चिपळूण येथे दि. ५, ६, ७, ८ फेब्रुवारी २०२३ महोत्सव; २५ जानेवारी पर्यंत नावनोंदणी
गुहागर, ता. 23 : चिपळूण येथील लोकमान्य टिळक स्मारक वाचन मंदिराच्या अरविंद जाधव अपरांत संशोधन केंद्राच्या वतीने कोकणी खाद्य महोत्सव आयोजित करण्यात आला आहे. हा महोत्सव दि. ५, ६, ७, ८ फेब्रुवारी २०२३ दरम्यान संपन्न होणार आहे. तरी पर्यटन लोककला सांस्कृतिक कोकणी खाद्य महोत्सवातील स्टॉलसाठी संपर्क साधण्याचे आवाहन करण्यात आले आहे. Food Festival by Aparant Research Centre
लोककलांबद्दल सर्वांना जिव्हाळा आणि आदर आहे. लोककला जीवंत ठेवण्याचे महत्वाचे काम लोककलावंतानी केलेलं आहे. कोकणातल्या लोककला, पर्यटन, कोकणी खाद्यसंस्कृती यांची ओळख सर्वदूर व्हावी यासाठी या महोत्सवाचे आयोजन करण्यात आले आहे. कोकणी खाद्य संस्कृतीची ओळख व्हावी, यासाठी महोत्सवात खाऊगल्लीचे आयोजन करण्यात आले आहे. कोकणातील शाकाहारी, मांसाहारी आणि मस्त्याहारी खाद्यपदार्थाची मेजवानी उपलब्ध असणार आहे. Food Festival by Aparant Research Centre
पर्यटन लोककला सांस्कृतिक कोकणी खाद्य महोत्सवांतर्गत १० × १० फूट आकारचे २२ स्टॉल सशुल्क उपलब्ध करून देण्यात येणार आहेत. यासाठी २५ जानेवारी पर्यंत नावनोंदणी करणाऱ्या इच्छूकांना हे स्टॉल उपलब्ध होणार आहेत. २९ जानेवारी रोजी सोडत पद्धतीने स्टॉलचे वाटप केले जाणार आहे. इच्छूकांनी अधिक माहितीसाठी विभाग प्रमुख प्रकाश घायाळकर मो. ९७६५८६८७२२ आणि सुनील खेडेकर मो. ९४२०१५६७९७ येथे संपर्क साधावा. Food Festival by Aparant Research Centre
