गुहागर, ता. 20 : गुरुवारी पहाटे माणगावजवळ झालेल्या भीषण अपघातात गुहागर तालुक्यातील हेदवी येथील ९ जणांचा दुर्दैवी मृत्यू झाला. या अपघातातील मृतांच्या कुटुंबाला आज शिवसेना नेते, आमदार श्री. भास्करराव जाधव यांनी हेदवी येथे जाऊन भेट दिली व त्यांचे सांत्वन केले. Car Accident
अपघातात कमावत्या व्यक्तींचा मृत्यू झाल्याने या कुटुंबांना जास्तीत जास्त मदत मिळवून देण्यासाठी प्रयत्न करणार असल्याचे आ. जाधव यांनी यावेळी सांगितले. यावेळी माजी जिल्हा परिषद सदस्य सौ. नेत्रा ठाकूर, सरपंच मोरे, उपसरपंच महादेव वणे आदी उपस्थित होते. Car Accident
मुंबई- गोवा महामार्गावरील रायगड जिल्ह्यातील माणगावजवळील रेपोली येथे गुरूवारी पहाटे ५ वाजण्याच्या सुमारास इको कार व ट्रकचा समोरासमोर भीषण अपघात झाला. या अपघातात 9 जणांचा मृत्यू झाला आहे. मृतांमध्ये पाच पुरुष व चार महिलांचा समावेश आहे. तर या अपघातात बचावलेल्या चार वर्षीय बालकाचा उपचारादरम्यान मृत्यू झाला. Car Accident
