गुहागर विजापूर राष्ट्रीय महामार्गावरील घटना
गुहागर, ता. 07 : तालुक्यातील अंजनवेल येथील के एल पी पी एल च्या एलएनजीटीच्या संरक्षणार्थ समुद्रामध्ये ब्रेक वॉटर उभारण्यात येत आहे. यासाठी लागणाऱ्या दगडाची वाहतूक करणाऱ्या डंपरने मध्यरात्री बारा वाजता पेट घेतल्याची घटना घडली. सदरील घटना गुहागर विजापूर राष्ट्रीय महामार्गावरील पाटपन्हाळे येथे घडली आहे. A dumper caught fire at Patpanhale
गुहागर तालुक्यातील पाटपन्हाळे येथे मोठ्या प्रमाणावर उत्खनन करून सुमारे सात लाख टन काळा दगडाची खान सुरू आहे. रात्रंदिवस या ठिकाणाहून पाटपन्हाळे ते अंजनवेल असा 22 किलोमीटरचा मोठमोठे दगड वाहतूक करणारे डंपर भडगाव वेगाने जात आहेत. या अगोदर जास्तीत जास्त फेऱ्या मारण्याच्या नादामध्ये गुहागर वेलदूर मार्गावर असाच डबर वाहतूक करणारा डंपर पलटी होऊन मोठा अपघात घडला होता. त्याचप्रमाणे गुरुवारी मध्यरात्री पाटपन्हाळे येथून डबर ची वाहतूक करणारा एपीएस कंपनीचा डंपर पाटपन्हाळे येथे आला असता डंपर ने अचानक पेट घेतला. या वेळी डंपरच्या पाठून आलेल्या वाहनाने डंपर चालकाला सावधान केल्याने मोठा अनर्थ टळला. A dumper caught fire at Patpanhale
यावेळी पाटपन्हाळे गावातील ग्रामस्थांच्या सहकार्याने डंपरला लागलेली आग विझवण्यात यश आले. सुदैवाने कोणतीही जीवित हानी झाली नाही. मात्र अशा प्रकारचे क्षमतेपेक्षा जास्त दगड वाहतूक करणाऱ्या या डंपर मुळे यापुढेही अनुचित प्रकार घडू नये, म्हणून प्रशासन लक्ष देईल का? अशी मागणी तालुक्यातील वाहनचालक व सर्वसामान्य जनता करत आहे. A dumper caught fire at Patpanhale
