रिगल कॉलेज सावित्रीबाई फुले जयंती उत्साहात

वक्तृत्व स्पर्धा व यशस्वी महिला वेशभूषा स्पर्धेचे आयोजन

गुहागर, ता. 06 : नाविन्यपूर्ण उपक्रमांमध्ये सक्रीय सहभागी असलेल्या रिगल कॉलेज शृंगारतळीमध्ये सावित्रीबाई फुले जयंती उत्साहात साजरी करण्यात आली. या जयंतीचे औचित्य साधून वक्तृत्व स्पर्धा व यशस्वी महिला वेशभूषा स्पर्धेचे आयोजन करण्यात आले होते. Savitribai Phule Jayanti at Regal College

या कार्यक्रमामध्ये रिगल कॉलेज शृंगारतळीच्या प्राचार्या सौ. रेश्मा मोरे व सहकाऱ्यांनी प्रथम दीपप्रज्वलन करून क्रांतीज्योती सावित्रीबाई फुले यांच्या प्रतिमेला पुष्पहार अर्पण केला. विद्यार्थ्यांनी सावित्रीबाई फुले यांचे शैक्षणिक योगदान, महिला सशक्तीकरण आदी विषयांवर भाषण केले. यानंतर ‘यशस्वी महिला वेशभूषा’ स्पर्धेमध्ये विद्यार्थिनींनी जिजाऊ, डॉ. आनंदीबाई जोशी, हिरकणी, ताराराणी, सावित्रीबाई फुले आदी यशस्वी महिला भूमिका साकार केल्या. Savitribai Phule Jayanti at Regal College

सावित्रीबाई फुले जयंतीनिमित्त वक्तृत्व स्पर्धेमध्ये प्रथम क्रमांक कु. निर्जला मोहिते, द्वितीय क्रमांक कु. गौरी घाणेकर व तृतीय क्रमांक सानिका कोळथरकर यांना मिळाला. तर ‘यशस्वी महिला वेशभूषा’ स्पर्धेमध्ये प्रथम क्रमांक कु. निर्जला मोहिते, द्वितीय क्रमांक कु. वेदिका वाडावे व तृतीय क्रमांक कु. अमिषा भोसले यांनी पटकावला. Savitribai Phule Jayanti at Regal College

रिगल एज्युकेशन सोसायटीचे अध्यक्ष श्री. संजयराव शिर्के, संचालिका डॉ. सुमिता शिर्के व रिगल कॉलेज शृंगारतळीच्या प्राचार्या सौ. रेश्मा मोरे यांच्या मार्गदर्शनाखाली या कार्यक्रमाचे आयोजन करण्यात आले होते. या कार्यक्रमासाठी रिगल कॉलेज शृंगारतळीचे सर्व विद्यार्थी व शिक्षकवृंद उपस्थित होते. Savitribai Phule Jayanti at Regal College