महात्मा फुले जलभूमी संधारण अभियानांतर्गत मिशन बंधारे मोहीम
गुहागर, ता. 06 : पंचायत समिती गुहागरच्या वतीने महात्मा फुले जलभूमी संधारण अभियानांतर्गत मिशन बंधारे ही मोहीम तालुक्यातील प्रत्येक ग्रामपंचायत कार्यक्षेत्रात राबविण्यात येत आहे. ग्रामपंचायत पांगारी तर्फे वेळंबच्या वतीने ‘मिशन बंधारे’ उपक्रमांतर्गत दि. ३ जानेवारी २०२२ रोजी गावातील नदीवर २५ मीटर लांबीचे २ विजय बंधारे बांधण्यात आले. Dam campaign at Pangari by welamb
महात्मा फुले जलभूमी संधारण अभियानांतर्गत गेली अनेक वर्ष पांगारी वेळंब ग्रामपंचायतीच्या कार्यक्षेत्रात ग्रामस्थांकडून श्रमदानातून बंधारे बांधण्यात येतात. हे २५ मीटर लांबीचे २ बंधारे बांधल्यामुळे लाखो लिटर वाहून जाणारे पाणी अडले आहे. या बंधा-याचा उपयोग गावातील नळपाणी पुरवठा योजनेच्या विहीरीतील पाण्याची पातळी कायम ठेवण्यासाठी होतो. नदीशेजारी असलेल्या नारळ- सुपारी च्या बागांनाही या पाण्याचा उपयोग होतो. Dam campaign at Pangari by welamb
यावेळी सरपंच विष्णू वीर यांनी केलेल्या आवाहनाला ग्रामस्थांनी भरपूर प्रतिसाद देवून मोठ्या प्रमाणात महिलाही उपस्थित होत्या. यावेळी सरपंच विष्णू वीर, ग्रामपंचायत सदस्य विद्या खांबे, सुजाता खांबे, तंटामुक्त समितीचे अध्यक्ष दिलीप खांबे, कृषी अधिकारी आर.के. धायगुडे, कृषी विस्तार अधिकारी गजेंद्र पौनीकर, मंडळ कृषी अधिकारी श्री.पिसाळ, कृषी पर्यवेक्षक प्रदीप गवारी, कृषी सहाय्यक अमीत शेळके, ग्रामसेवक विनोद तोडणकर, यांच्यासह शिवाजी खांबे, अनंत खांबे, शिवराम तांबे, अनुराधा खांबे, ग्रामपंचायत कर्मचारी, खांबेवाडी, तांबेवाडी, फौजदारवाडी, गिजेवाडीतील अनेक ग्रामस्थ, महिला बचतगटांच्या महिलांनी श्रमदान केले. Dam campaign at Pangari by welamb
