गुहागर, ता.04 : तालुक्यातील पालशेत बापट आळी येथील रहिवासी प्राचार्य माधव बापट यांची चिपळूण येथील डिबीजे महाविद्यालयाच्या प्राचार्य पदी नियुक्ती करण्यात आली आहे. ते शैक्षणिक क्षेत्रात तीन दशकांपेक्षा जास्त अध्यापन व संशोधनाचे कार्य करत आहेत. Appointment of Bapat as Principal of DBJ College
पालशेत गावचे रहिवासी असलेले माधव बापट यांनी नोकरीची सुरूवात सांगली येथील विलिंग्डन महाविद्यालयात प्राध्यापक म्हणून केली. त्यानंतर ते गणित विभागप्रमुख म्हणून काम करत अनेक विद्यार्थ्यांना प्रगतीच्या शिखरावर नेले आहे. आपल्या अभ्यासू बुद्धीने ते चिंतामणराव कॉलेज ऑफ कॉमर्स येथे प्राचार्य पदावर कार्यरत होते. शैक्षणिक क्षेत्रात तीन दशकांपेक्षा जास्त अध्यापन व संशोधनाचे कार्य करत आहेत. ३० वर्षे ज्ञानार्जन देत असतानाच त्यांची चिपळूण येथील डिबीजे महाविद्यालयाच्या प्राचार्य पदी नुकतीच नियुक्ती करण्यात आली. त्यांचे सर्व स्तरातून अभिनंदन व पुढील वाटचालीसाठी शुभेच्छा देण्यात येत आहेत. Appointment of Bapat as Principal of DBJ College
