निवृत्तीवेतनधारकांनी हयातीचे प्रमाणपत्र सादर करावे

रत्नागिरी जिल्हा कोषागाराचे आवाहन

रत्नागिरी, ता 02 : शासनाच्या ज्या निवृत्तीवेतन धारकांना रत्नागिरी जिल्हा कोषागाराकडुन निवृत्तीवेतन प्रदान केले जाते. अशा सर्व निवृत्तीवेतन धारकांनी हयात असलेबाबतचे “हयात प्रमाणपत्र” (Life Certificate) ०१ नोव्हेंबर २०२२ ते दिनांक ३० नोव्हेंबर २०२२ या कालावधीत सादर करणे बंधनकारक आहे. अधिक माहितीसाठी कोषागार कार्यालयाकडे संपर्क साधावा, असे जिल्हा कोषागार अधिकारी, रत्नागिरी यांनी कळविले आहे. Pensioners should submit life certificate

संबंधित निवृत्तीवेतनधारकाचे हयात प्रमाणपत्र विहित मुदतीत कोषागारात प्राप्त झाल्याशिवाय पुढील निवृत्तीवेतन प्रदान केले जाणार नाही. बँकेमार्फत निवृत्तीवेतन घेणाऱ्या निवृत्तीवेतन धारकांनी कोषागार कार्यालयाकडुन संबंधित बँकेकडे पाठविण्यात आलेल्या घोषणापत्रावर स्वतः हयात असलेबाबत बँक मॅनेजरचे समक्ष दिनांकित स्वाक्षरी करावी. सदरची घोषणापत्रे संबंधीत बँकांकडे पाठविणेत आलेली आहेत. पुनर्नियुक्त/ पुनर्विवाह केलेल्या कुटुंब निवृत्तीवेतन / निवृत्तीवेतन धारकांकरीता नियमित नमुना वापरावा. Pensioners should submit life certificate

मनिऑर्डरव्दारे निवृत्तीवेतन घेणाऱ्या निवृत्तीवेतन धारकांचे हयात दाखल्यांचे नमुने या कोषागार कार्यालयाकडुन संबंधितांचे पत्त्यावर पाठविण्यात आलेले आहेत. त्यांनी स्वत:चे हयात दाखले स्वाक्षरीसह पुर्ण करुन कोषागार कार्यालयाकडे परस्पर पाठविण्याची व्यवस्था करावी. याबाबत अधिक माहितीसाठी कोषागार कार्यालयाकडे संपर्क साधावा, असे जिल्हा कोषागार अधिकारी, रत्नागिरी यांनी कळविले आहे. Pensioners should submit life certificate