पालशेत येथे जन्मशताब्दी निमित्त स्वच्छता मोहीम

डॉ. श्री. नानासाहेब धर्माधिकारी प्रतिष्ठान ; 49 श्रीसदस्यांचा सहभाग

गुहागर, ता. 01 : डॉ. श्री. नानासाहेब धर्माधिकारी ((Mr. Nanasaheb Dharmadhikari)) यांच्या जन्मशताब्दी वर्षानिमित्त पालशेत येथे स्वच्छता मोहीम राबविण्यात आली. या मोहीमेतून दि. 23 ऑक्टोबर रोजी गुहागर तालुक्यातील पालशेत नाका ते श्री. दत्त मंदिर पालशेत येथील रस्त्याच्या दुतर्फा साफसफाई करण्यात आली. या स्वच्छता अभियानामध्ये  49 श्रीसदस्यांनी सहभाग घेतला होता. Cleanliness drive at Palshet

श्रीसदस्यांनी साफसफाईसाठी लागणारे साहित्य व वस्तू सोबत आणल्या होत्या. तसेच स्वतंत्र बोलेरो पिकअप, ग्रासकटर आदीचे नियोजन केले होते. सार्वजनिक स्वच्छता ही सर्वांच्या आरोग्याच्या दृष्टीने अत्यंत महत्वाची बाब आहे. यानूसार रस्त्याच्या  दोन्ही बाजुला वाढलेली छोटी मोठी झुडपे तसेच कचरा स्वच्छ करण्याचे काम सर्व श्रीसदस्यांनी केले. या स्वच्छता अभियानामध्ये  49 श्रीसदस्यांनी 1900 किलो ओला कचरा व 30 किलो सुका कचरा उचलून त्याची योग्य विल्हेवाट लावण्यात आली. Cleanliness drive at Palshet

या स्वच्छता अभियानामध्ये पालशेत गावचे श्री दत्त देवस्थान ट्रस्टचे श्री. अशोकभाऊ चव्हाण व ग्रामस्थांनी प्रतिष्ठानच्या कामाबाबत समाधान व्यक्त केले. Cleanliness drive at Palshet