रत्नागिरीतील मच्छिमारांना दिलासा

मच्छीमार सहकारी सोसायट्यांच्या सदस्यांना नौकेच्या डिझेल अनुदानाची थकबाकी रक्कम वितरित करण्याचे आदेश

रत्नागिरी, ता. 25 : मच्छीमार सहकारी सोसायट्यांच्या सदस्यांना नौकेच्या डिझेलवर देण्यात येणाऱ्या अनुदानाची थकबाकीची रक्कम वितरित करण्याचे आदेश शासनाने काढले आहेत. शासनाच्या आदेशानुसार रत्नागिरी जिल्ह्याला सुमारे दोन कोटी रूपये मंजूर करण्यात आले आहेत. त्यामुळे दिवाळीपूर्वी मच्छिमारांना दिलासा मिळाला आहे. Diesel refund granted to fishermen

रत्नागिरी जिल्ह्याला सुमारे दोन कोटी रूपये मंजूर

मच्छिमार सहकारी सोसायट्यांच्या सदस्यांना त्यांच्या नौकेकरता लागणाऱ्या डिझेलवरील कराची प्रतिपूर्ती अनुदान स्वरूपात केली जाते. मात्र, गेल्या काही काळापासून हे अनुदान थकीत असल्याबद्दल मत्स्यव्यवसाय, वने व सांस्कृतिक कार्य मंत्री सुधीर मुनगंटीवार यांना निवेदन प्राप्त झाली होती. या निवेदनांची दखल घेऊन मंत्री सुधीर मुनगंटीवार यांनी विभागाला अनुदानाची थकबाकी लवकरात लवकर वितरित करावी, अशा सूचना दिल्या होत्या. त्यानुसार शासनाने आदेश काढला आहे. Diesel refund granted to fishermen

डिझेल परताव्याच्या थकबाकीचे वितरणही सुरू करण्यात आले आहे. या अनुदानापोटी १८ कोटी ३७ लाख रुपयांचा निधी मंजूर करण्यात आला आहे.  ‘प्रथम येणाऱ्यास, प्रथम प्राधान्य’ या तत्त्वावर या थकीत निधीचे वितरण करण्यात येणार आहे. रत्नागिरी जिल्ह्यासाठी दोन कोटींचा डिझेल परतावा मंजूर करण्यात आला आहे. हा परतावा लवकरच मच्छिमारांना देण्यात येणार आहे. Diesel refund granted to fishermen