गुहागर, ता. 21 : अखिल महाराष्ट्र प्राथमिक शिक्षक संघ तालुका शाखा गुहागर यांच्या वतीने एकलव्य विद्यार्थी पुरस्कार देण्यात येतो. या पुरस्काराने जिल्हा परिषद पूर्ण प्राथमिक आदर्श शाळा वेलदुर नवानगर शाळेतील इयत्ता सातवीतील विद्यार्थिनी अंतरा तुषार पालशेतकर हिला जिल्हाध्यक्ष प्रवीण काटकर यांच्या हस्ते गौरविण्यात आले. सत्काराचे स्वरूप सन्मानचिन्ह, रोख पारितोषिक, प्रशस्तीपत्रक असे होते. Eklavya Award to Antara Palshetkar
सुस्वाभावी व मनमिळावू वृत्तीची विद्यार्थीनी अंतरा पालशेतकर ही जिल्हा परिषद शाळा वेलदूर नवनगर शाळेमध्ये इयत्ता सातवी मध्ये शिकत असून शालेय उपक्रमामध्ये सहभाग असतो. विज्ञान प्रदर्शन, क्रीडा स्पर्धा, सांस्कृतिक कार्यक्रम, विविध स्पर्धा यामध्ये तिचा सक्रिय सहभाग असतो. एकलव्य पुरस्कार प्राप्त झाल्याबद्दल तिचे माजी सरपंच नंदकुमार रोहिलकर, शाळा व्यवस्थापन समितीच्या अध्यक्षा सानिया रोहीलकर, विशाखा नाटेकर, ऋतुजा रोहीलकर, ग्रामपंचायत सदस्य मारुती रोहीलकर, शंकर कोळथरकर, देवराम भोसले, सलीम सरनोबत, मुख्याध्यापक मनोज पाटील, सत्वशीला जगदाळे, पल्लवी घुले, अंजली मुद्दमवार, निलोफर शेख, सुवर्णा कोळथरकर आदींनी अभिनंदन केले. Eklavya Award to Antara Palshetkar
यावेळी प्रमुख पाहुणे म्हणून समितीचे तालुकाध्यक्ष अरविंद पालकर, संघाचे तालुकाध्यक्ष दीपक साबळे, केंद्रप्रमुख श्रीकांत वेल्हाळ, केंद्रप्रमुख अशोक गावणकर , केंद्रप्रमुख नामदेव लोहकरे, केंद्रप्रमुख कैलास शार्दुल, बाबासाहेब राशिनकर, अखिलचे तालुकाध्यक्ष डॉ. मनोज पाटील, जिल्हा सरचिटणीस संतोष देवघरकर, जिल्हा कार्यकारणी सदस्य अभय गुजर, तालुका सरचिटणीस संजय जंगम, सुरेश बोले, अशोक पावसकर, चंद्रकांत पागडे, इमाम पाटील, मनोज शिंदे, जिल्हा प्रतिनिधी माधवी पाटील, प्रकाश गोरे, प्राथमिक शिक्षक बँकेचे संचालक सुनील रामाने, तंत्रस्नेही शिक्षक पुरस्कार प्राप्त प्रदीप पडवळ, आदर्श शिक्षिका ममता विचारे आदी उपस्थित होते. Eklavya Award to Antara Palshetkar
