गुहागर, ता.10 : गणपती बाप्पा मोरया पुढल्या वर्षी लवकर या, गणपती गेले गावाला चैन पडेना आम्हाला…अशा जयघोषात आणि टाळ मृदुंगाच्या गजरात बारा दिवसांच्या गणपती बाप्पांना गुहागर तालुक्यात भक्तीभावात निरोप देण्यात आला. तालुक्यात दहा हजारहून अधिक घरगुती गणपतींचे विसर्जन करण्यात आले. Farewell to Bappa in Guhagar
गेली 10 दिवस तालुक्यातील प्रत्येक घरात गणरायाच्या मूर्तीची प्रतिष्ठापना करण्यात आली होती. घरोघरी मंगलमय वातावरणात बाप्पाची पूजाअर्चा सुरू झाली. शुक्रवारी दुपारनंतर बारा दिवसाच्या गणपतींना निरोप देण्यास सुरुवात झाली. अतिशय शांततेत गणपती बाप्पाचे सायंकाळी विसर्जन स्थळी आगमन होत होते. त्याठिकाणी गणपती बाप्पाची पूजाअर्चा आणि आरती करून गणेशमूर्तीचे विसर्जन करण्यात येत होते. नागरिकांनी नद्या नाल्यामध्ये तर काही ठिकाणी समुद्रकिनारी बाप्पाचे टाळ मृदुंगाच्या गजरात, तर काहींनी गणपती बाप्पा मोरया…जयघोष करत विसर्जन केले. विसर्जनावेळी पावसाचे सावट असल्याने दुपारनंतर अनेकांनी गणपती विसर्जनासाठी बाहेर काढले होते. Farewell to Bappa in Guhagar
विसर्जन ठिकाणी गुहागर पोलिसांनी खबरदारी घेतली होती. गुहागरात भर पावसात मोठ्या भक्तीभावाने गणरायाचे विसर्जन करण्यात येत होते. दरवर्षीप्रमाणे गुहागर समुद्र किनारी नगरपंचायतीने चोख व्यवस्था ठेवली होती. विसर्जनावेळी दुर्घटना घडू नये म्हणून कर्मचारी किनाऱ्यावर तैनात होते. तसेच बाप्पाच्या फुलारांसाठी ठिकठिकाणी निर्मळ कलश ठेवण्यात आले होते. Farewell to Bappa in Guhagar
