गुहागर, ता.09 : तालुक्यातील पत्रकार उत्कर्ष समिती अंतर्गत स्थापित महिला उत्कर्ष समितीतर्फे रक्षाबंधन सणानिमित्त गुहागर पोलिस बांधवांना राखी बांधण्यात येणार आहे. या बाबतचे पत्र आज महिला उत्कर्ष समितीच्या अध्यक्षा, सौ. सुरभी भोसले व उपाध्यक्षा सौ. दिप्ती साळवी व अन्य पदाधिकाऱ्यांनी गुहागर पोलीस ठाण्याचे प्रमुख पाचपुते यांना दिले. महिला उत्कर्ष समितीमार्फत महिलांसाठी व सामाजिक हित जपत अनेक कार्यक्रम व प्रशिक्षण शिबिरे आयोजित केली आहेत. Raksha Bandhan at Guhagar Police Station
महिला उत्कर्ष समितीच्या अध्यक्षा, सौ. सुरभी भोसले यांनी गुहागर न्यूजला सांगितला की, देशसेवेसाठी आपले कुटुंब व घरापासून दुर राहून कर्तव्य बजावणाऱ्या गुहागर पोलिस कार्यालयातील उपस्थित कर्मचारी व अधिकाऱ्यांना रक्षाबंधन या पवित्र सणाच्या दिवशी महिला उत्कर्ष समितीच्या महिला सदस्या व पदाधिकारी राखी बांधून बहिणीचे कर्तव्य पार पाडणार आहेत. या सणाचा आनंद व्दिगुणित करून सामाजिक बांधिलकी जपणार आहेत. Raksha Bandhan at Guhagar Police Station
पत्रकार उत्कर्ष समिती ही महाराष्ट्रातील पत्रकारांसाठी कार्यरत नोंदणीकृत संस्था असुन समिती अंतर्गत महिलांच्या वेगवेगळ्या समस्यांवर मार्ग काढुन तसेच त्यांना आर्थिक सक्षम बनवण्यासाठी महिला उत्कर्ष समिती हि अराजकीय उपसमिती कार्यरत आहे. Raksha Bandhan at Guhagar Police Station
