कारवाईमागील अदृष्य हात कोणाचे?

पर्यटन उद्योगावर घाला की विकासकाला जागा देण्याचा घाट

गुहागर, ता. 12 :  समुद्रकिनाऱ्यावरील कारवाई होवू नये म्हणून सर्वच राजकीय पक्षांचे कार्यकर्ते झटत होते. तरीदेखील मेरीटाईम बोर्डाच्या अधिकाऱ्यांनी कोणाच्याही दबावाखाली न येता ही कारवाई केली. त्यामुळे या कारवाई मागे असे कोणते अदृष्य हात आहेत. ही कारवाई म्हणजे गुहागरातील पर्यटन उद्योग संपविण्याचा घाट घातला जातोय की ही जागा अन्य खासगी विकासकाच्या ताब्यात देण्याचा घाट घातला जातोय असे प्रश्र्न या कारवाईने निर्माण केले आहेत. (Who is behind Action?)

गुहागरमधील गेल्या तीन वर्षात घडलेल्या घटना या पर्यटन उद्योगाला फटका देणाऱ्या ठरल्या आहेत. याची सुरवात झाली तीन सी व्ह्यु गॅलरी आणि पर्यटन जेटी तोडण्यापासून. सदर निर्णय हा हरित लवादाने दिला होता. त्यानंतर हरित लवादाच्या निर्णयाच्या पार्श्र्वभुमीवर गुहागर मधील 22 पर्यटन व्यावसायिकांना सीआरझेड उल्लंघन करुन बांधकाम केल्याच्या नोटीसा पाठविण्यात आल्या. या कारवाईमुळे गुहागरमधील वातावरण बिघडून गेले होते.

गुहागर विजापूर रस्त्यावरील मोडकाआगर धरणावरील नवा पुल दिड वर्ष बांधण्याचे काम सुरु होते. सावित्री नदीवरचा मोठा पुल वाहून गेल्यानंतर एक वर्षात नवा पुल उभा राहीला. मात्र मोडकाआगरच्या पुलाचे काम सातत्याने लांबविण्यात आले. पुल पूर्ण होत असतानाच गुहागरकडे येणारा रस्ता खोदून ठेवला. त्याचा त्रास आजही दररोज वहातूक करणाऱ्या सर्वांना होत आहे.

आज अचानक 2010 च्या शासकीय आदेशांचा आधार घेवून गुहागरच्या समुद्रकिनाऱ्यावरील अनधिकृत खोकेधारकांची बांधकामे हटविण्यास मेरीटाईम बोर्डाने सुरवात केली आहे. कोरोनानंतर आता पर्यटन व्यवसायाला सुरवात होताना ही कारवाई करण्यात आली आहे.

गेल्या तीन वर्षात घडलेल्या या सर्व घटना पहाता संशयाचे दोन मुद्दे समोर येतात. गुहागरचा पर्यटन विकास आणि पर्यटन व्यवसाय थांबविण्यासाठी अदृष्य हात काम करत आहेत. किंवा गुहागरच्या समुद्रकिनाऱ्यावरील मोक्याची जागा खासगी विकासकाला देण्याचा घाट अदृष्य शक्ती करत आहेत.

संबधित बातम्या

मी व्यक्त का व्हायचे, आमदार जाधव यांची प्रतिक्रिया

न्यायालयाचा निर्णय येण्यापूर्वी केलेली कारवाई चुकीची

संबंधित व्हिडिओ

समुद्रकिनाऱ्यावरील अतिक्रमण बंदर खात्याने हटवले