पाणीटंचाईवर मात करण्यासाठी ग्रामस्थ एकत्र
गुहागर, ता. 20 : एल निनोच्या पार्श्वभूमीवर आगामी काळात उद्भवणाऱ्या संभाव्य पाणीटंचाईला तोंड देण्यासाठी रत्नागिरी जिल्हा परिषदेने ‘मिशन बंधारे’ ही व्यापक लोकचळवळ हाती घेतली आहे. या अभियानांतर्गत गावागावात बंधारे बांधण्याची मोहीम तीव्रतेने राबवली जात असून, याच उपक्रमाचा एक भाग म्हणून आज शृंगारतळी येथील शृंगारी मोहल्ला येथे श्रमदानातून बंधारा बांधण्यात आला. Villagers unite to overcome water scarcity
या कार्यक्रमाचे अध्यक्ष स्थान श्री. हारून घारे यांनी भूषवले, तर बंधारा उभारणीचे सर्व नियोजन ग्रामपंचायत पाटपन्हाळे, जमातुल मुस्लिमीन शृंगारी व उपसरपंच आसिम साल्हे यांनी केले होते. यावेळी गुहागर पंचायत समिती सभापती प्रणव पोळेकर, उपसभापती निलेश सुर्वे, पंचायत समिती सदस्य गौरव वेल्हाळ, उपसरपंच आसिम साल्हे, ग्रामपंचायत सदस्य रियाज ठाकूर, चंद्रकांत तेलगडे, शृंगारी जमातीचे सिराज घारे, सिद्दीक घारे, यासिन घारे तसेच ग्रामविस्तार अधिकारी सौ.बडद यांची प्रमुख उपस्थिती होती. याशिवाय परिसरातील ग्रामस्थ, ग्रामपंचायत कर्मचारी, अंगणवाडी सेविका आणि आशा सेविका यांनीही मोठ्या संख्येने उपस्थित राहून या मोहिमेत सक्रिय सहभाग नोंदवला. गावातील संभाव्य पाणीटंचाईवर मात करण्यासाठी राबवण्यात आलेल्या या उपक्रमाचे सर्वस्तरातून कौतुक होत आहे. Villagers unite to overcome water scarcity
