अनेक ठिकाणी घरांवर झाडे, वीजवाहिन्या तुटून वीजप्रवाह खंडीत होण्याचे प्रकार
गुहागर, ता. 09 : गुहागर तालुक्यात सोमवारी संध्याकाळी सोसाट्याचा वारा, ढगांचा गडगडासहित पावसाचे जोरदार आगमन झाले. यामुळे अनेक दिवस गर्मीने हैराण झालेल्या नागरिकांनी समाधान व्यक्त केले. तर शेतकरी वर्गाने आपल्या पुढील कामाच्या नियोजनास सुरुवात केली. मात्र विजेचा लपंडाव सुरू असल्यामुळे नागरिकांमधून तीव्र नाराजी व्यक्त करण्यात आली. Strong arrival of rain in Guhagar
पहिल्याच मोसमी पावसात गुहागर शहर व तालुक्यातील ग्रामीण भागात वादळी वाऱ्याने घरांवर झाडे पडून नुकसानीच्या घटना घडल्या आहेत. तसेच वीजखांब वाकणे, रस्त्यावर येणे, वीजवाहिन्या तुटणे त्यामुळे वीज खंडीत होऊन काही काळ गावे अंधारात राहणे असे प्रकार घडून आले. या आपत्तीत कुठेही जीवितहानी घडलेली नाही. काही रस्त्यांच्या कडेने केबल टाकण्यासाठी केलेली खोदाई व चर व्यवस्थित न बुजविल्याने असे रस्ते वाहतुकीसाठी जीवघेणे ठरले आहेत. Strong arrival of rain in Guhagar
तालुका आपत्ती निवारण प्रशासन या घटनांवर लक्ष ठेऊन असून उपाययोजना करण्यासाठी सज्ज झाले आहे. तालुक्यातील मौजे पालशेत येथील प्रदीप गणपत बेंदरकर यांच्या घरावर आंब्याचे झाड पडून जवळपास 16 हजार रुपये, मौजे गुहागर येथील तुकाराम जांगळी यांच्या घराचे, गुहागर येथे सुनील वराडकर यांच्या घराचे, गुहागर येथील सुहास सुर्वे यांच्या घराचे, आंबेरे खुर्द येथील शशिकला रणपिसे यांच्या घराचे, गुहागर येथील अनिल वराडकर यांच्या घराचे, वरवेली येथील सुषमा गुरव यांच्या घरावर आंबा कलम पडून 50 हजाराचे नुकसान, जांभारी येथील स्वप्नाली सुर्वे यांच्या घराचे, गुहागर येथील अनिल कीर यांच्या घराचे, गुहागर येथील विवेक पाटील यांच्या घराचे, पालशेत येथील राजश्री साळवी यांच्या घरावर फणसाचे झाड पडून घराचे नुकसान झाले. Strong arrival of rain in Guhagar
गुहागर शहरात 126 मिलिमीटर पावसाची नोंद झाली. तर गुहागर तालुक्यातील हेदवी 86, आबलोली 35, तळवली 130 अशी एकूण 282 मिलिमीटर पावसाची नोंद झाली असून सरासरी 56. 4% पाऊस तालुक्यात पडला.
