गुहागर तालुक्यात समृद्धी आंबेकर प्रथम

गुहागर, ता. 13 : शैक्षणिक वर्ष २०२५ – २०२६ मधील माध्यमिक शालांत इ.१० वी परीक्षेचा निकाल नुकताच जाहीर झाला. यामध्ये गुहागर तालुक्यातील न्यू इंग्लिश स्कूल व कनिष्ठ महाविद्यालय पाटपन्हाळे विद्यालयाची कु. समृद्धी सुरेश आंबेकर हिने ९९.२० % गुण संपादन करून तालुक्यात प्रथम क्रमांक पटकावला आहे. Samruddhi Ambekar Ranks First in Guhagar Taluka

न्यू इंग्लिश स्कूल व कनिष्ठ महाविद्यालय पाटपन्हाळे विद्यालयाची कु.समृद्धी सुरेश आंबेकर हिने माध्यमिक शालांत परीक्षेतील सुयशाबरोबरच वकृत्व, निबंध लेखन, चित्रकला स्पर्धा, क्रीडा स्पर्धा, घोषवाक्य स्पर्धा, हस्ताक्षर व शुद्धलेखन स्पर्धा, विज्ञान प्रतिकृती सादरीकरण अशा विविध शैक्षणिक उपक्रमांमध्ये तालुकास्तरीय ते विभागस्तरीय स्पर्धांमध्ये सहभागी होऊन सुयश संपादन केले आहे. चतुरंग सर्वोत्तम गोडबोले पुरस्कार तसेच प्रा.जहूर बोट सर्वोत्तम विद्यार्थी पुरस्कार समृद्धी आंबेकर हिने संपादन केला आहे. बालगटापासून ते इयत्ता दहावीपर्यंत कोणतीही खाजगी शिकवणी नसताना स्वअध्ययनाने इ.१० वी परीक्षेत ९९.२०% गुण संपादन करून सुयश प्राप्त केले आहे. Samruddhi Ambekar Ranks First in Guhagar Taluka

आगामी शैक्षणिक काळात आयएएस होऊन उच्च अधिकारी होऊन सेवाकार्य करण्याचा मानस कु.समृध्दी आंबेकर हिने व्यक्त केला आहे. तसेच नियमित वाचन, दैनंदिन अभ्यास, नियोजनबध्द अभ्यासवृत्ती, अभ्यासाची उजळणी, लेखनाचा सराव, चिंतन व मनन यामुळेच इ.१० वीमध्ये ९९.२०% चे सुयश लाभले आहे. असे समृद्धी आंबेकरने सांगितले. समृद्धी आंबेकरच्या तालुकास्तरीय व जिल्हास्तरीय सुयशाबद्दल अभिनंदन होत आहे. Samruddhi Ambekar Ranks First in Guhagar Taluka