गुहागर, ता. 01 : शैक्षणिक क्षेत्रातील उल्लेखनीय कार्य आणि विद्यार्थ्यांना रोजगाराच्या संधी उपलब्ध करून देण्यात केलेल्या योगदानाबद्दल चिपळूण येथील आरेकर इन्स्टिट्यूट ऑफ मॅनेजमेंटला नालंदा फाऊंडेशन, महाराष्ट्र (पुणे) यांचा प्रतिष्ठेचा ‘सह्याद्रीरत्न पुरस्कार’ प्रदान करण्यात आला आहे. Sahyadriratna Award for Arekar Institute
आरेकर इन्स्टिट्यूट ऑफ मॅनेजमेंटने २०२५-२६ या कालावधीत बँकिंग, फायनान्स अँड इन्शुरन्स (BFI) क्षेत्रातील प्रशिक्षण प्रभावीपणे राबविले. या प्रशिक्षणाच्या माध्यमातून ५० हून अधिक विद्यार्थ्यांना विविध बँकांमध्ये रोजगार मिळवून देण्यात संस्थेला यश आले. Sahyadriratna Award for Arekar Institute
विद्यार्थ्यांना दर्जेदार प्रशिक्षण, योग्य करिअर मार्गदर्शन आणि रोजगाराच्या संधी उपलब्ध करून देण्याच्या उल्लेखनीय कार्याची दखल घेत नालंदा फाऊंडेशन, महाराष्ट्र (पुणे) यांनी संस्थेला ‘सह्याद्रीरत्न पुरस्कार’ प्रदान केला. या यशाबद्दल आरेकर इन्स्टिट्यूट ऑफ मॅनेजमेंटचे सर्व स्तरांतून अभिनंदन होत असून, संस्थेच्या पुढील शैक्षणिक आणि कौशल्यविकास उपक्रमांसाठी शुभेच्छांचा वर्षाव होत आहे. Sahyadriratna Award for Arekar Institute
