गुहागर, ता. ३० : रत्नागिरी पोलीस दलातर्फे राबविण्यात येत असलेल्या ‘मिशन प्रबोधन’ व ‘मिशन अभय’ अभियानांतर्गत विद्यार्थी सुरक्षा व बालसंरक्षण विषयक मार्गदर्शन कार्यक्रम श्रीदेव गोपाळकृष्ण माध्यमिक विद्यामंदिर, गुहागर येथे मंगळवारी (दि. २९) संपन्न झाला. Safety guidance for students in Guhagar
गुहागर पोलीस ठाण्याच्या वतीने पोलीस कॉन्स्टेबल सीमा मोरे व सरिका चाळके यांनी विद्यार्थ्यांना सायबर सुरक्षा, बालसंरक्षण, POCSO कायदा, सोशल मीडियाचा सुरक्षित वापर, ऑनलाइन फसवणूक तसेच अनोळखी व्यक्तींशी ऑनलाइन संपर्क साधताना घ्यावयाची काळजी याबाबत मार्गदर्शन केले. चांगला व वाईट स्पर्श, संशयास्पद परिस्थितीत पालक, शिक्षक किंवा पोलिसांची मदत घेणे, दैनंदिन जीवनात सजग राहणे आणि स्वसंरक्षणाचे महत्त्व याबाबतही विद्यार्थ्यांना माहिती देण्यात आली. किशोरवयीन विद्यार्थ्यांनी स्वतःच्या सुरक्षिततेबाबत जागरूक राहण्याचे आवाहन यावेळी करण्यात आले. Safety guidance for students in Guhagar
कार्यक्रमास विद्यालयाच्या मुख्याध्यापिका सुजाता कांबळे, उपमुख्याध्यापिका मनिषा सावंत, पर्यवेक्षिका गायत्री कनगुटकर, पोलीस हवालदार गौरी शेटे व पोलीस कॉन्स्टेबल रुचिता ताम्हणकर उपस्थित होत्या. मुख्याध्यापिका सुजाता कांबळे यांनी प्रास्ताविक केले. सूत्रसंचालन ज्योती देवकर यांनी केले, तर उपमुख्याध्यापिका मनिषा सावंत यांनी आभार मानले. Safety guidance for students in Guhagar
