खोडदे येथे हिमोग्लोबीन तपासणी शिबीर

आयुष्यमान भव या कार्यक्रमांतर्गत ग्रामपंचायतीचा उपक्रम

गुहागर, ता. 09 : आयुष्यमान भव या कार्यक्रमांतर्गत खोडदे ग्रामपंचायतीने किशोरवयीन मुलीची हिमोग्लोबीन तपासणी केली. यानिमित्ताने गावामध्ये स्वच्छताविषयक प्रभात फेरी काढण्यात आली. Hemoglobin screening camp at Khodde

गुहागर तालुक्यातील खोदडे ग्रामपंचायतीने अंगणवाज सेविका, आशा गटप्रवर्तक यांच्या सहकार्यातून स्वच्छता अभियान व हिमोग्लोबीन तपासणीच्या उपक्रमाचे आयोजन केले होते. या उपक्रमांतर्गत खोडदे गावातून स्वच्छते विषयी जागरुकता निर्माण करणारी प्रभात फेरी काढण्यात आली. या प्रभात फेरीच्या सुरवातीला उपसरपंच पूजा गुरव, श्री.राजेंद्र साळवी, श्री.विलास गुरव यांनी राष्ट्रपिता महात्मा गांधी व लालबहादूर शास्त्री यांच्या प्रतिमेला हार अर्पण केला. अंगणवाडी सेविका व आशासेविकांनी गुलाबाचे फुल देवून  प्रभात फेरीत सहभागी झालेल्यांचे स्वागत केले. प्रभात फेरीनंतर ग्रामपंचायत कार्यालयात 20 किशोरवयीन मुलींची हिमोग्लोबीन तपासणी करण्यात आली. Hemoglobin screening camp at Khodde

यावेळी ग्रामपंचायतीच्या उपसरपंच कु. पूजा गुरव, संत गाडगेबाबा ग्रामस्वच्छता अभियान कमिटीचे अध्यक्ष राजेंद्र साळवी, उपाध्यक्ष विलास गुरव, सदस्य सौ. शुभांगी डिंगणकर, आशासेविका स्वाती साळवी,  सौ. रेशमी साळवी, सौ. माधुरी साळवी, सौ. पूजा निवाते,  संपदा कदम, अंगणवाडी सेविका सौ. श्वेता गुरव, सौ. जयश्री साळवी, सौ.अक्षता मोहिते, स्नेहा आंब्रे, सौ. ज्योती निर्मळ, मदतनीस प्राची साळवी, सौ. नम्रता मोहिते व  ग्रामस्थ उपस्थित होते. Hemoglobin screening camp at Khodde