गुहागर, ता. 01 : तालुक्यात गणेशोत्सवापासून पडणाऱ्या पावसाने गेल्या दोन दिवसात जोर धरला आहे. शनिवार सायंकाळ पासून गुहागर तालुक्यात सर्वत्र मुसळधार पावसाला सुरवात झाली आहे. आज (रविवार ता. 01) सकाळपासून पडणाऱ्या पावसाने तालुक्याला झोडपून काढले आहे. यामुळे हळव्या भातशेतीचे खूपच नुकसान होणार आहे. Heavy rain in Guhagar
अरबी समुद्रात तयार झालेल्या कमी दाबाच्या पट्ट्यामुळं गेले दोन दिवस मुसळधार पावसाला सुरवात झाली. वाऱ्याचा वेगही वाढला असून वातावरण अंधारमय आहे. त्यामुळं अनेक ठिकाणी वीजपुरवठा खंडित झाला आहे. नदीनाल्यांना पुन्हा पूर आला आहे.वादळी वाऱ्यामुळं ठिकठिकाणी नुकसानही झाले आहे. शनिवार रात्रभर पाऊस पडल्याचा परिणाम रस्त्यावरील वाहतूकीवर झाला आहे. वादळी वाऱ्यामुळे मच्छिमारांनी आपल्या नौका बंदरात उभ्या करुन ठेवल्या आहेत. हळवे भात दिवाळी पर्यंत तयार होते, परंतू वादळी वाऱ्यांसह मुसळधार पावसामुळे पसवलेला दाणा भरत नाही. यामुळे भातपिकाचे नूकसान होणार या चिंतेत शेतकरी आहे. Heavy rain in Guhagar
कोकणातील अनेक ठिकाणी जोरदार पाऊस पडत असल्याने समुद्राला उधाण आलं आहे. यामुळे कोकणातील जनजीवन विस्कळीत होत असल्याचं चित्र निर्माण झालं आहे. Heavy rain in Guhagar
