गणेशोत्सवापूर्वी गुहागरला मिळणार १० ‘जिजाऊ’

गुहागर, ता. 20 : गणेशोत्सवापूर्वी गुहागर एसटी आगाराला १० जिजाऊ बस मिळणार असल्याची माहिती आगार व्यवस्थापनाने दिली. यामुळे ऐन गणेशोत्सवात अतिरिक्त फेऱ्या वाढविण्यास मदत होणार आहे. गुहागर आगाराला यापूर्वी लालपरी बस मिळाल्या होत्या. त्यामुळे लांब पल्ल्याच्या मार्गावर या बस सोडण्यास मदत झाली होती. Guhagar to get ‘Jijau’ before Ganeshotsav

आजपर्यंत आगाराला जुन्याच बसवर अवलंबून रहावे लागले आहे. ग्रामीण भागातही नेहमी वस्तीच्या बस सोडाव्या लागतात. त्यामुळे चांगल्या दर्जेदार बस आगाराकडे नाहीत. लांब पल्ल्याच्या काही महत्वाच्या बसही बंद करण्यात आल्या होत्या. मात्र, आता नव्या जिजाऊ बस मिळणार असल्याने बस सोडण्यास मदत होणार आहे. दरम्यान, गणेशोत्सवात जादा बसेस आगाराकडून सोडण्यात येतात. बाहेरील इतर आगारांमधून बस मागवाव्या लागतात. आगारात चालक, वाहक कमी आहेत. त्यामुळे त्यांच्यावर मोठा भार पडतो. काहींना डबल ड्युटी करावी लागते. त्यामुळे कामावर ताण येऊन वाहतूक सेवाही कोलमडते. त्यामुळे चालक, वाहकांची संख्या वाढविणे गरजेचे आहे. Guhagar to get ‘Jijau’ before Ganeshotsav