गुहागर हायस्कूलमधील विद्यार्थ्यांना शालेय साहित्य, रोख पारितोषिके व पंख्यांची भेट
गुहागर, ता. 20 : शहरातील गुहागर एज्युकेशन सोसायटीचे श्री देव गोपाळकृष्ण माध्यमिक विद्यामंदिर, सदानंद सुदाम पाटील विज्ञान, श्री महेश जनार्दन भोसले वाणिज्य, कै. विष्णुपंत पवार कला व कनिष्ठ महाविद्यालय, गुहागर येथे पालक व समाजातील दानशूर व्यक्तींच्या सहकार्याने विद्यार्थ्यांच्या शैक्षणिक प्रगतीस चालना देणारा प्रेरणादायी उपक्रम पार पडला. Donors’ contributions to education
विद्यार्थ्यांच्या उज्ज्वल भविष्यासाठी समाजातील विविध घटकांकडून मिळणारे सहकार्य नेहमीच प्रेरणादायी ठरत असते. याच भावनेतून खातू मसाले उद्योगाच्या मालक उद्योजिका सौ. श्रुती शैलेंद्र खातू यांनी विद्यालयातील दोन होतकरू विद्यार्थीनी कुमारी सिमरन मालप व कु. निर्विघ्न वांगणकर यांना शालेय साहित्य तसेच रोख पारितोषिक देऊन त्यांच्या शैक्षणिक वाटचालीला प्रोत्साहन दिले. याशिवाय, कै. चारुदत्त काशिनाथ खातू यांच्या स्मरणार्थ त्यांचे नातू व विद्यालयाचे माजी विद्यार्थी श्री. शैलेंद्र शाळीग्राम खातू यांनी विद्यालयाला दोन पंख्यांची भेट देऊन विद्यार्थ्यांच्या सोयीसाठी मोलाचे योगदान दिले. या योगदानामुळे विद्यालयाच्या सुविधांमध्ये भर पडली असून विद्यार्थ्यांना अधिक चांगले शैक्षणिक वातावरण उपलब्ध होणार आहे. Donors’ contributions to education
विद्यालय परिवाराने सौ. श्रुती खातू आणि श्री. शैलेंद्र शाळीग्राम खातू यांच्या सामाजिक बांधिलकीचे व शिक्षणाप्रती असलेल्या आस्थेचे कौतुक करत त्यांचे मनःपूर्वक आभार मानले. त्यांच्या या सहकार्यामुळे विद्यार्थ्यांना नव्या उत्साहाने शिक्षण घेण्याची प्रेरणा मिळाल्याची भावना व्यक्त करण्यात आली. Donors’ contributions to education
या कार्यक्रमास गुहागर केंद्रप्रमुख श्री. मनोज पाटील, उद्योजिका सौ. श्रुती खातू, मुख्याध्यापिका सौ. कांबळे, उपमुख्याध्यापिका सौ. सावंत, पर्यवेक्षिका सौ. कनगुटकर, सौ. शिंदे तसेच देवळेकर साहेब उपस्थित होते. Donors’ contributions to education
