शासनाकडून ५ नवीन योजनांना मंजुरी; विकासकामांसाठी ९० लाखांचा निधी
गुहागर, ता. 12 : गावांचा कायापालट करण्यासाठी आणि वाढत्या विकास गरजा पूर्ण करण्यासाठी राज्य शासनाने ग्रामपंचायतींसाठी पाच नवीन महत्वपूर्ण योजनांना मंजूरी दिली आहे. जिल्हा वार्षिक योजने अंतर्गत या योजनांसाठी विशेष निधी उपलब्ध करून दिला जाणार आहे. यामुळे आता ग्रामपंचायतींना विविध विकासकामांसाठी एकूण ९० लाख रुपयांपर्यंतचा निधी मिळण्याचा मार्ग मोकळा झाला आहे. Development of Gram Panchayats to gain momentum
सध्या ग्रामपंचायतींना ‘जनसुविधांसाठी विशेष अनुदान या घटकातून निधी पुरवला जात होता. मात्र, यासाठीचे निकष तब्बल १५ वर्षांपूर्वी (२०१० मध्ये) ठरवण्यात आले होते. बदलत्या काळात गावांच्या विकासाची व्याप्ती आणि गरजा मोठ्या प्रमाणात वाढल्याने स्वतंत्र व नावीन्यपूर्ण योजनांसाठी निधीची मागणी सातत्याने होत होती. ग्रामपंचायतींची ही गरज ओळखून शासनाने हा धोरणात्मक निर्णय घेतला आहे. Development of Gram Panchayats to gain momentum
ग्रामविकास विभागाच्या आदेशानुसार, या पाच योजनांअंतर्गत मंजूर झालेल्या कामांसाठी इतर कोणत्याही शासकीय योजनेतून पुन्हा निधी घेता येणार नाही. एकाच कामासाठी दोन वेळा निधी वापरला जाऊ नये आणि पारदर्शकता राहावी, यासाठी ही कडक अट घालण्यात आली आहे. शासनाच्या या निर्णयामुळे ग्रामीण भागातील क्रीडा, ऊर्जा, शिक्षण आणि सुशोभीकरणाच्या प्रश्नांना मोठी चालना मिळणार असून ग्रामीण जनतेतून या निर्णयाचे स्वागत होत आहे. Development of Gram Panchayats to gain momentum
कोणत्या ५ योजनांसाठी मिळणार निधी?
शासकीय पडीक जागांचे सुशोभीकरण: रु. १५ लाख, शासकीय इमारतींवर सौर ऊर्जा प्रणाली: रु. २० लाख, अद्ययावत वाचनालय इमारत बांधकाम रु. २० लाख, क्रीडांगण विकास व सुविधा: रु. २० लाख, सार्वजनिक दिवाबत्ती व्यवस्था: रु. १५ लाख. Development of Gram Panchayats to gain momentum
