आनंदीबाई अभ्यंकर बालविद्यामंदिरात दीपपूजन

गुहागर, ता. 12 : दीप अमावस्येनिमित्त रत्नागिरी येथील श्रीमती आनंदीबाई परशुराम अभ्यंकर बालविद्यामंदिरात दिव्यांचे पूजन करण्यात आले. यावेळी बालमंदिरातील बालदोस्तांना दीप अमावस्या म्हणजे काय, ती का साजरी करायची याची माहिती सौ. समिक्षा केतकर व सौ. अनघा भेलेकर यांनी दिली. Deepa puja at Anandibai Abhyankar Children’s Temple

या कार्यक्रमासाठी दि न्यू एज्युकेशन सोसायटीच्या कार्याध्यक्ष सौ. दाक्षायणी बोपर्डीकर, मुख्याध्यापिका सौ. प्रज्ञा काळे व सर्व शिक्षिका उपस्थित होत्या. सौ. एकता कांबळे आणि सौ. मंजिरी करंदीकर यांनी छोट्या छोट्या गोष्टी सांगितल्या. सौ. श्रुती लिंगायत यांनी विद्यार्थ्यांना दिव्यांची विविध गाणी शिकवली. बालदोस्तांनी ही गाणी सुरेल आवाजात म्हटली. गेली अनेक वर्षे शाळेत दीप अमावस्येला हा उपक्रम राबवण्यात येत आहे. Deepa puja at Anandibai Abhyankar Children’s Temple