रत्नागिरीत डीपीडीसी च्या माध्यमातून शासकीय स्पर्धा परीक्षा मार्गदर्शन केंद्र मंजूर
रत्नागिरी, ता. 30 : जिल्ह्यातील दुर्गम व ग्रामीण भागातील स्पर्धा परीक्षा देणाऱ्या हजारो विद्यार्थ्यांच्या उज्वल भविष्यासाठी अखेर एक मोठी ऐतिहासिक बातमी समोर आली आहे. गुहागर तालुका काँग्रेस कमिटीचे माजी अध्यक्ष मिलिंद आत्माराम चाचे यांनी गेल्या 3 वर्षापासून केलेल्या सातत्यपूर्ण आणि चिकाटीच्या पाठपुरावाला मोठे यशआले असून, रत्नागिरी मध्ये शासकीय स्पर्धा परीक्षा अभ्यासिका मार्गदर्शन केंद्र सुरू करण्यास मंजुरी मिळाली आहे. Competitive exam guidance center approved in Ratnagiri
या महत्वपूर्ण शैक्षणिक प्रकल्पासाठी मिलिंद आत्माराम चाचे दीर्घकाळ राजकीय व प्रशासकीय पातळीवर पाठपुरावा केला. या प्रवासात त्यांनी तत्कालीन काँग्रेस नेते माजी मुख्यमंत्री अशोक चव्हाण यांच्या माध्यमातून शासनाकडे 22 ऑगस्ट 2023 मध्ये प्रथम अधिकृत मागणी केली होती. तसेच विद्यमान आमदार काँग्रेस नेते श्री. भाई जगताप यांनीही या जनहितार्थ मागणीचे गांभीर्य ओळखून पालकमंत्री आणि प्रशासनकडे आपले शिफारस पत्र देऊन त्वरित निधी मंजूर करण्यात यावा, अशी विनंती केली होती. तसेच मुंबई महापालिका मधील तत्कालीन नगरसेवक आत्माराम लक्ष्मण चाचे(संपर्कप्रमुख साखरपा, लांजा, राजापूर विधानसभा मतदारसंघ)यांनी ही मिलिंद आत्माराम चाचे यांच्या विनंतीला मान देऊन आमदार किरण सामंत यांच्याकडे याविषयी मागणी केली होती. Competitive exam guidance center approved in Ratnagiri
या ज्येष्ठ नेत्यांच्या पत्रांची, विद्यार्थ्यांच्या गरजेची, आणि विविध स्थानिक संस्थांच्या पाठबळाची गांभीर्याने दखल घेत रत्नागिरी जिल्ह्याचे पालकमंत्री नामदार उदयजी सामंत यांनी जिल्हा नियोजन समितीच्या (डीपीडीसी) या UPSC आणि MPSC स्पर्धा परीक्षा मार्गदर्शन केंद्राला प्रशासकीय आणि वित्तीय मंजुरी दिली. या ऐतिहासिक निर्णयाबाबत मिलिंद आत्माराम चाचे यांनी माननीय पालकमंत्री नामदार उदयजी सामंत यांचे विशेष आभार मानले आहेत. तसेच प्रवासात खंबीर पाठबळ देणारे तत्कालीन काँग्रेस नेते माजी मुख्यमंत्री अशोक चव्हाण आणि काँग्रेस नेते विद्यमान आमदार भाई जगताप, त्यांचे बंधू, भाऊ जगताप यांनाही त्यांनी मनापासून धन्यवाद दिले आहेत. नगरसेवक आत्माराम लक्ष्मण चाचे यांनाही धन्यवाद दिले आहेत. या मागणीला मोलाचे सहकार्य आणि अधिकृत समर्थन देणाऱ्या निर्मल ग्रामपंचायत पाचेरी सडा, निर्मल ग्रामपंचायत कुडली बंदर वाडी, माध्यमिक विद्यालय कुडली, आणि द मॉडेल इंग्लिश हायस्कूल सैतावडे या सर्व संस्थांचे आणि ग्रामपंचायतचे मिलिंद आत्माराम चाचे यांनी आभार मानले असून त्यांना मनापासून धन्यवाद दिले आहेत. Competitive exam guidance center approved in Ratnagiri
या मंजुरीमुळे रत्नागिरी मधील या मार्गदर्शन केंद्रात विद्यार्थ्यांना केवळ बसून अभ्यास करण्याची जागाच (अभ्यासिका) मिळणार नाही, तर नामांकित तज्ञ शिक्षकांचे मार्गदर्शन, नियमित वर्ग, स्पर्धा परीक्षांचे अद्यावत पुस्तके आणि प्रशासकीय अधिकाऱ्यांची विशेष सत्रे आयोजित केले जातील. यासाठीचा सर्व निधी डीपीडीसीच्या(DPDC) च्या माध्यमातून उपलब्ध करून दिला जाणार आहे. रत्नागिरी जिल्ह्यातील ग्रामीण भागातील गरीब हुशार विद्यार्थ्यांना आता स्पर्धा परीक्षेच्या(UPSC, आणि MPSC, बँकिंग) तयारीसाठी जिल्हा बाहेर जाण्याची गरज भासणार नाही. गेली 3 वर्ष सातत्याने विद्यार्थ्यांच्या हक्कासाठी संघर्ष केल्याबद्दल, रत्नागिरी जिल्ह्यातील सुजाण नागरिकांनी पालकमंत्री नामदार श्री उदय सामंत साहेब आणि श्री.मिलिंद आत्माराम चाचे यांना धन्यवाद दिले आहेत आणि समाधान व्यक्त केले आहे. Competitive exam guidance center approved in Ratnagiri
