उद्या गुहागर ज्ञानरश्मी वाचनालयात जाहीर नागरी सत्कार

शिष्यवृत्तीधारक विद्यार्थी-पालकांचाही होणार गौरव

गुहागर, ता. 18 : गुहागर तालुका सार्वजनिक ज्ञानरश्मी वाचनालय आणि महाराष्ट्र साहित्य परिषद, शाखा गुहागर यांच्या संयुक्त विद्यमाने रविवार, दि. १९ जुलै रोजी सायंकाळी ४ वाजता डॉ. तानाजीराव चोरगे सभागृह, ज्ञानरश्मी वाचनालय येथे ‘जाहीर नागरी सत्कार’ तसेच शिष्यवृत्तीधारक विद्यार्थी व पालक गौरव सोहळा आयोजित करण्यात आला आहे. Civic reception at Gyanrashmi Library

या कार्यक्रमात पाठ्यपुस्तकात कवितेचा समावेश झाल्याबद्दल राजेंद्र सीताराम आरेकर, शैक्षणिक व सामाजिक क्षेत्रातील उल्लेखनीय कार्याबद्दल सुधाकर शामराव कांबळे आणि मराठी भाषा पाठ्यपुस्तक समितीवर निवड झाल्याबद्दल मनोज नरसी पाटील यांचा सत्कार करण्यात येणार आहे. Civic reception at Gyanrashmi Library

कार्यक्रमाच्या प्रमुख व्याख्यात्या म्हणून ज्येष्ठ अधिव्याख्याता दीपा मिलिंद सावंत उपस्थित राहणार आहेत. प्रमुख अतिथी म्हणून पंचायत समितीचे सभापती प्रणवजी पोळेकर, उपसभापती निलेशजी सुर्वे, नगरपंचायतीच्या नगराध्यक्षा निताजी मालप तसेच तहसीलदार परीक्षित पाटील उपस्थित राहणार आहेत. या कार्यक्रमाला नागरिक, विद्यार्थी, पालक आणि साहित्यप्रेमींनी मोठ्या संख्येने उपस्थित राहावे, असे आवाहन आयोजकांनी केले आहे. Civic reception at Gyanrashmi Library