गुहागर, ता. 11 : तालुक्यातील जि. प. पूर्ण प्रा. मराठी शाळा असगोली क्र. १ चे कार्यतत्पर, कर्तव्यदक्ष आणि सेवाभावी मुख्याध्यापक श्री. चंद्रकांत झगडे यांच्या वाढदिवसानिमित्त विविध सामाजिक व शैक्षणिक उपक्रमांचे आयोजन करण्यात आले. विद्यार्थी, शिक्षक आणि मान्यवरांच्या उपस्थितीत हा सोहळा उत्साहपूर्ण वातावरणात पार पडला. Chandrakant Zagade’s birthday
कार्यक्रमास केंद्रप्रमुख डॉ. मनोज पाटील, विषय शिक्षक श्री. शिवानंद साखरे, कोंड-कारूळ बोऱ्या शाळेचे मुख्याध्यापक श्री. प्रशांत वायंगणकर, तंत्रस्नेही शिक्षक श्री. प्रदीप पवार, सौ. अंजली मुद्दमवार, सौ. दीक्षा गुरव आदी उपस्थित होते. यावेळी केक कापून वाढदिवस साजरा करण्यात आला. विद्यार्थ्यांनी शुभेच्छापत्र देऊन झगडे सरांना शुभेच्छा दिल्या. केंद्रप्रमुख डॉ. मनोज पाटील यांच्या हस्ते शाल व पुष्पगुच्छ देऊन त्यांचा सत्कार करण्यात आला. Chandrakant Zagade’s birthday
प्रदीप पवार यांनी सांगितले की, झगडे सर यांच्या मार्गदर्शनाखाली असगोली क्र. १ शाळेचा सर्वांगीण विकास होत असून शिक्षक संघटनेतील त्यांचे योगदान उल्लेखनीय आहे. प्रशांत वायंगणकर यांनी झगडे सर यांचे शिस्तप्रिय व्यक्तिमत्त्व, ग्राहक चळवळीत केलेले कार्य आणि व्यापक जनसंपर्क यांचा गौरव केला. केंद्रप्रमुख मनोज पाटील यांनी झगडे सर हे शिक्षण क्षेत्रातील प्रामाणिक, कर्तव्यनिष्ठ आणि शिक्षकांच्या न्याय्य हक्कांसाठी सातत्याने लढणारे नेतृत्व असल्याचे सांगितले. शिक्षक बँकेचे संचालक म्हणून सहकार क्षेत्रात तसेच ग्राहक चळवळ आणि विविध समाजोपयोगी उपक्रमांमध्ये त्यांनी दिलेले योगदान प्रेरणादायी असल्याचे त्यांनी नमूद केले. विद्यार्थ्यांवर चांगले संस्कार घडविण्यासाठी झगडे सर नेहमीच कटिबद्ध असल्याचेही त्यांनी सांगितले. Chandrakant Zagade’s birthday
सत्काराला उत्तर देताना श्री. चंद्रकांत झगडे यांनी सर्व मान्यवर, सहकारी शिक्षक, विद्यार्थी आणि शुभेच्छुकांचे मनःपूर्वक आभार मानले. आपल्या शैक्षणिक वाटचालीत साथ देणाऱ्या सर्वांविषयी त्यांनी कृतज्ञता व्यक्त करत भविष्यातही शिक्षण आणि समाजकार्यासाठी तितक्याच निष्ठेने कार्यरत राहण्याचा संकल्प व्यक्त केला. Chandrakant Zagade’s birthday
