@Makarand Gadgil
हळद्या (Golden oriole)
Scientific name = Oriolus oriolus
मराठीत हळद्या, पिलक अशी नावे असलेला हा पक्षी संपूर्ण भारतात आढळतो. नर हळद्या मुख्यत्वे जर्द पिवळ्या रंगाच्या असून याच्या पंखांचा रंग काळा असतो. तसेच त्याच्या डोळ्याजवळ काळ्या रंगाची पट्टी असते. चोच फिक्कट गुलाबी असते. मादी दिसायला नरासारखीच पण किंचित फिक्या पिवळ्या रंगाची असते. मादीची चोच काळसर असते. हा पक्षी झाडांवर एकट्याने किंवा जोडीने आढळतो . फांदीवर असला तरी हळद्या नजरेस पडणे जरा कठीणच ! पण त्याच्या कर्कश्य आवाजावरून तो लगेच ओळखू येतो .
फुलांमधील मध , विविध फळे आणि लहान किडे हे याचे मुख्य खाद्य आहे . याचे घरटे लहान व कपच्या आकाराचे असून ते गवत तसेच कोळ्याच्या जाळ्याने व्यवस्थीत विणलेले असते .
विणीचा हंगाम एप्रिल ते जुलै असा असून मादी एका वेळी दोन ते तीन पांढऱ्या रंगाची अंडी देते .पिल्लांचे संगोपन व संरक्षण नर व मादी जोडीने करतात.
