रत्नागिरी, ता. 04 : कोकण स्थानिक स्वराज्य संस्था विधान परिषद मतदारसंघाच्या निवडणुकीत अर्ज मागे घेण्याच्या अखेरच्या दिवशी मोठी राजकीय घडामोड घडली. महाविकास आघाडीचे उमेदवार सुरेंद्र उर्फ बाळ माने यांनी आपला उमेदवारी अर्ज मागे घेतल्याने निवडणुकीचे चित्र पूर्णपणे बदलले आहे. विशेष म्हणजे बाळ माने हे राज्याचे मत्स्यव्यवसाय व बंदरे मंत्री नितेश राणे यांच्यासोबत रत्नागिरी जिल्हाधिकारी कार्यालयात दाखल झाले आणि त्यांनी अधिकृतपणे माघार घेतली. Bal Mane withdraws from Konkan Legislative Council
यापूर्वी अपक्ष उमेदवार जुईली दळवी तसेच शेतकरी कामगार पक्षाचे उमेदवार अरविंद म्हात्रे यांनीही आपले उमेदवारी अर्ज मागे घेतले होते. त्यामुळे आता या निवडणुकीच्या रिंगणात महायुतीचे उमेदवार अनिकेत तटकरे हे एकमेव उमेदवार उरले आहेत. यामुळे अनिकेत तटकरे यांच्या विधान परिषद प्रवेशाचा मार्ग मोकळा झाला असून त्यांची निवड बिनविरोध मानली जात आहे. Bal Mane withdraws from Konkan Legislative Council
दरम्यान, बाळ माने यांच्या माघारीमुळे कोकणातील राजकीय वर्तुळात चर्चांना उधाण आले आहे. महाविकास आघाडीला हा मोठा धक्का मानला जात असून, माने यांच्या पुढील राजकीय वाटचालीबाबत विविध तर्क-वितर्क लावले जात आहेत. कोकण विधान परिषद निवडणुकीतील या नाट्यमय घडामोडी जिल्ह्याच्या राजकारणात घडल्या आहेत. Bal Mane withdraws from Konkan Legislative Council
